Brussels Airlines yatangije ‘Boutique hôtel’ mu ndege zayo zikorera ingendo muri Afurika

Yanditswe na Habimana James
Kuya 19 Ukwakira 2019 saa 07:12
Yasuwe :
0 0

Sosiyete itwara abantu n’ibintu mu ndege, Brussels Airlines ikaba ikora ingendo 84 mu bihugu 17 byo muri Afurika yo munsi y’Ubutayu bwa Sahara, yatangaje ko ikomeje gushyira igorora abayigana cyane ko uyu ari umugabane ibonamo isoko rikomeye.

Kugira ngo Brussels Airlines ikomeze gutanga serivisi nziza ku bantu batandukanye bakoresha indege zayo, yatangije Boutique hotel yita ku banyacyubahiro batwarwa n’indege zayo zikorera ku mugabane wa Afurika.

Brussels Airlines yakoreshejwe n’abagenzi barenga miliyoni 1.2 mu ngendo zerekereza ku mugabane wa Afurika muri uyu mwaka, ifite igitekerezo cyo gukorera kuri uyu mugabane, cyane cyane mu bihugu byo muri Afurika yo munsi y’Ubutayu bwa Sahara.

Kugeza ubu kandi hejuru ya 70% by’abagenzi itwara bajya cyangwa bakava mu byerekezo bitandukanye byo mu Burayi na Amerika.

Mbere abakoreshaga Brussels Airlines babaga ari abakora ingendo z’ubucuruzi no gusura inshuti n’abavandimwe ariko ubu hiyongereyeho n’abajya mu biruhuko ku mugabane wa Afurika.

Sosiyete ya Brussels Airlines ibona ubwo bwiyongere buherereye cyane mu bice nka Dakar muri Senegal, Banjur muri Gambia, Entebbe muri Uganda na Kigali Rwanda. Umwaka ku mwaka kandi umugabane wa Afurika ukomeje gukurura abajya kurira imisozi, n’abajya gusura ingagi zo mu misozi.

Hari kandi abajya ku nkombe z’igihugu nka Sierra Leone.

Kugira ngo ikomeze gutanga serivisi nziza ku bagenzi bayikoresha, iyi sosiyete yashyizeho Boutique hôtelyita ku banyacyubahiro mu kirere mu ndege zayo nshya za Airbus A330.

Mu gukomeza gushyira igorora abakiriya bayo bo mu myanya ya Business Class, Premium Economy na Economy Class, Brussels Airlines yifuje kubazanira serivisi za ‘boutique hôtel’ mu gihe bari mu ndege zayo.

Iyi sosiyete yazanye ikindi cyiciro cya ‘Premium Economy’ kizagera ku mugabane wa Afrika yose mu minsi iri imbere. Gusa kugeza ubu, iki cyiciro kiboneka mu ngendo ziva cyangwa zijya muri Kinshasa na Luanda.

Hibanzwe ku mudendezo, ubwisanzure no kwakirwa neza, icyo cyiciro kigamije gusubiza abakiriya bifuzaga guhabwa serivisi z’ikirenga batarinze kwishyura akayabo.

Imyanya yo muri Business Class mu ndege za Brussels Airlines
Wicara wisanzuye kandi ugahabwa serivisi nk'izo muri Boutique Hotel
Uhabwa n'ibyo kunywa ukagenda wica akanyota
Imyanya yo muri Premium Class
Imyanya yo muri Economy Class yo mu ndege za Brussels Airlines

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza