00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya kuri ’BPR Bank Biashara Club’ igamije kuzamura abashoramari

Yanditswe na Igizeneza Jean Désiré
Kuya 17 Ugushyingo 2022 saa 07:50
Yasuwe :

BPR Bank Rwanda yongeye gutangiza gahunda izwi nka ‘Biashara Club’, ifite intego yo gufasha ba rwiyemezamirimo bato n’abaciriritse mu gushaka ibisubizo bituma ibikorwa byabo bitera imbere ndetse no kubagira inama y’uko babyitwaramo igihe hari ibibazo bahuye nabyo.

Binyuze muri iyi gahunda, ba rwiyemezamirimo bahabwa amahugurwa atandukanye azabafasha kuzamura ubucuruzi bwabo no kubahuza n’abandi bacuruzi bateye imbere mu Rwanda no hanze yarwo mu kubigiraho yewe bakaba bafatanya mu bucuruzi butandukanye.

Biashara Club kandi ifasha abayirimo kubona zimwe muri serivisi za BPR Bank ku biciro byiza, aho umunyamuryango wayo ahabwa ikarita imufasha gufatwa nk’umukiliya w’imena mu mashami yose y’iyi banki.

Abanyamuryango ba Biashara Club kandi baba bafite amahirwe yo kubona amakuru ku bijyanye n’imari, ashobora kubafasha na none mu kwagura ubucuruzi bwabo.

Ubusanzwe umuntu atangiye gukora ubucuruzi akenshi aba adafite ubumenyi buhagije mu bijyanye n’icungamutungo, ubumenyi mu bijyanye no gutanga akazi no kugenzura abakozi, ibijyanye n’imisoro ndetse no kumenyekanisha ubucuruzi bwe.

Iki ni cyo cyuho Biashara Club yiyemeje kuziba kuko izajya itanga amasomo y’ingenzi ku bacuruzi bakabona ubumenyi buhagije bubafasha gucunga neza ubucuruzi bwabo ndetse no kubagezaho amakuru y’ingenzi yabafasha kuzamura ubu bushabitsi.

Ni amasomo abafasha kwigarurira amasoko yo mu gihugu no mu karere, atangwa buri mwaka kandi ahoraho igihe cyose umucuruzi akiri umunyamuryango wa Biashara Club.

Aba bashoramari bari muri Biashara Club bahabwa uburyo bakorana na BPR Bank himakazwa ikoranabuhanga rigezweho mu bucuruzi bwabo.

Kimwe mu bibazo byugarije abacuruzi bakizamuka ni igishoro kidahagije, gusa BPR Bank Biashara Club ije gukemura ibi bibazo binyuze mu gutanga inguzanyo ku banyamuryango bayo ku nyungu ibereye buri wese, ibizafasha mu kubona igishoro nka bumwe mu buryo bw’ingenzi bwo kwagura ubucuruzi.

Biashara Club yakira abashoramari bato n’abaciriritse bakora ubucuruzi ubwo ari bwo bwose bwemewe mu Rwanda n’abifuza kuba batangira ubucuruzi ariko umucuruzi akaba ari umukiliya wa BPR Bank.

Uretse iyi gahunda, BPR Bank Rwanda igira ibindi bikorwa bitandukanye bigamije guteza imbere imibereho myiza y’Abanyarwanda imbere.

Mu minsi ishize iyi Banki yasinyanye amasezerano y’imikoranire n’Ikigo ADHI Rwanda Ltd, yitezweho gufasha mu korohereza Abanyarwanda kubona inguzanyo yo kugura inzu zo guturamo binyuze mu mushinga wiswe Bwiza Riverside Homes.

Ifite kandi gahunda yiswe ‘Igire’, gahunda ifasha mu kongera ubumenyi mu gufasha urubyiruko kwihangira imirimo aho kuyishaka aho abagera kuri 500 bamaze kwigishwa bakaba baratangiye guhanga imirimo no gutanga imirimo kuri bagenzi babo.

Abari muri gahunda ya ’BPR Bank Biashara Club’ bahabwa amasomo abafasha kwagura ibikorwa byabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .