00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda baba mu mahanga begerejwe serivisi za banki binyuze muri ‘BK Diaspora Banking’

Yanditswe na IGIHE
Kuya 28 April 2022 saa 04:24
Yasuwe :

Nyuma yo kubona ko Abanyarwanda baba mu mahanga bagorwa no kubona serivisi za banki mu gihugu cyabo, Banki ya Kigali yatangije ‘BK Diaspora Banking’, gahunda igamije kubagezaho izi serivisi zose.

Binyuze muri ‘BK Diaspora Banking’, Abanyarwanda baba mu mahanga bashobora gufunguza konti ku buntu [ku basanzwe batayigira] kandi idakatwa amafaranga ya buri kwezi, kubitsaho amafaranga ayo ari yo yose yaba Amanyarwanda, Amadorali ya Amerika, Amadorali ya Canada, Amafaranga akoreshwa mu busuwisi (CHF), Amayero cyangwa Amapawundi, kuyohereza mu Rwanda nta kiguzi ndetse no kubikuza amafaranga ashobora kugera ku madorali ya Amerika 5000 badakaswe.

Serivisi za Diaspora Banking muri BK zizajya ziha inyungu kugeza kuri 12% buri mwaka, umuntu ufite konti yo kubitsa mu gihe cyemeranyijwe kuva ku kwezi kumwe kugera ku myaka itanu guhera k’ufite 300.000 Frw. Mu gihe ufite iyi konti mu madorali akabitsa ahereye ku 50.000$ kuzamura azajya ahabwa inyungu kugeza kuri 1.5% buri mwaka.

Izi serivisi kandi zizajya ziha inyungu ya 8% ku mwaka, umuntu ufite konti yo kwizigamira iri mu mafaranga y’u Rwanda.

Abanyarwanda baba hanze kandi bazajya babasha kwaka inguzanyo mu madorali ndetse no mu Manyarwanda, bakayihabwa vuba bitabaye ngombwa ko bategereza igihe kirekire ndetse ikishyurwa mu gihe kigeze ku myaka 20.

Abayikoresha bashyiriweho ibihembo

Muri Gashyantare 2021, Banki ya Kigali (BK) yatangije gahunda igamije gushishikariza Abanyarwanda baba mu mahanga bakorana na yo gushora imari mu Rwanda binyuze muri ‘BK Diaspora Banking’.

Iyi gahunda yiswe ‘Bank home and win big’ izamara amezi atanu, ikazahemba abo muri Diaspora bazakoresha neza iyi konti ya BK igenewe abantu baba mu mahanga.

Kuyinjiramo bisaba kuba ukoresha ‘BK Diaspora Banking’, kuri konti yawe ukabitsaho hejuru ya miliyoni.

Nyuma y’iki gihe BK izahitamo abanyahirwe batatu hakoreshejwe uburyo bwa tombola, abazatoranywa bazahabwa ibihembo bitandukanye birimo amatike abiri y’indeye ya RwandAir yo mu cyiciro cya ‘economic’, baturutse aho bari bagera i Kigali.

Uwatsinze naba ari mu cyerekezo iyi sosiyete itageramo azagurirwa itike y’indege mu yindi sosiyete.

Abanyamahirwe kandi bazahabwa n’amahirwe yo gusura Pariki y’Igihugu ya Nyungwe ndetse bishyurirwe amajoro abiri muri One & Only Nyungwe n’igiciro cy’urugendo kibagezayo.

Kugira ngo ubashe gufunguza iyi konti, ujya ku rubuga rwa www.bk.rw/Diaspora, ukamanura [download] inyandiko iriho, ukayuzuza, ukayijyana kwa noteri kuri Ambasade y’u Rwanda hamwe na fotokopi y’irangamuntu n’ifoto ngufi hanyuma ukabyohereza kuri email ya [email protected]

Abanyarwanda baba mu mahanga begerejwe serivi za banki binyuze muri ‘BK Diaspora Banking’

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .