00:00:00 IGIHE NETWORK KN KINYARWANDA EN ENGLISH FR FRANCAIS

Pariki z’u Rwanda zinjije arenga miliyari 12 mu mwaka wa 2014

Yanditswe na

Deus Ntakirutimana

Kuya 10 Kamena 2015 saa 12:12
Yasuwe :

Pariki z’u Rwanda zinjije amafaranga y’u Rwanda asaga miliyari 12 na miliyoni 180 mu mwaka wa 2014, aho yiyongereyeho asaga 18% ugereranyije n’umwaka wabanje.

Imibare itangazwa n’Ikigo cy’Igihugu gishinzwe Iterambere ,RDB, ari nacyo gishinzwe izi Pariki igaragaza ko Pariki y’Ibirunga,iy’Akagera n’iya Nyungwe zifite ibikorwa hafi ibihumbi 68 byasuwe mu mwaka wa 2014.

Ibikorwa 67,696 nibyo byasuwe mu mwaka wa 2014 mu gihe muri 2013, hari hasuwe 61,792.

Uhereye kuri iyi mibare, ibikorwa byasuwe muri izi Pariki zombi byiyongereyeho 10%.
Muri Pariki y’Ibirunga ibamo ingagi byiyongera ku kigero cya 11% mu gihe iy’Akagera byiyongereyeho 4%.

Pariki ya Nyungwe nayo ibikorwa bisurwa byiyogereyeho 30% bitewe n’urutindo rwo mu kirere (canopy walk) mu gihe mu myaka yabanje, ibi bikorwa byari byagiye bigabanuka ndetse ikaba yari ku mwanya wa nyuma muri pariki zisurwa cyane kugeza mu mwaka wa 2013.

Imisoro nayo yariyongereye kuko mu mwaka wa 2013, izi pariki zinjije asaga miliyoni 14.1 mu gihe mu mwaka wa 2014 yari miliyoni 16.8, bisobanuye ko imisoro zitanga yiyongereyeho 19%.

Pariki y’Ibirunga yonyine yinjije 93% by’iyi misoro yose ndetse yiyongereyeho asaga 18%, mu gihe Pariki y’Akagera yinjije ayiyongereyeho12%. Pariki ya Nyungwe ihiga izindi yiyongeraho 37%.

Abasura nabo biyongereyeho 10%, aho bavuye ku 16,646 mu mwaka wa 2013 bagera 18,223 mu mwaka wa 2014.

Abenegihugu n’Abanyamahanga baba mu Rwanda basuye ibikorwa bitandukanye by’ubukerarugendo mu mwaka wa 2014, binjije asaga ibihumbi 400 by’amadolari ya Amerika ni ukuvuga hafi miliyoni 290 z’amafaranga y’u Rwanda muri miliyoni zisaga 301 z’amadolari zinjiye muri rusange.

Deus Ntakirutimana
[email protected]
Twitter:NtakirutaDeus


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .