Wild Connector Safaris yatanze umwihariko mu gutembereza abantu Pariki y’Akagera mu minsi mikuru

Yanditswe na Ferdinand Maniraguha
Kuya 18 Ukuboza 2019 saa 09:47
Yasuwe :
0 0

Sosiyete itembereza ba mukerarugendo Wild Connector Safaris igiye gufasha abanyarwanda gutembera ibyiza bitatse u Rwanda biboneka muri Pariki ya y’Akagera muri iyi minsi mikuru isoza umwaka.

Uruzinduko ruzaba kuwa Gatandatu tariki 21 Ukuboza 2019, muri Pariki y’Akagera icumbikiye inyamaswa nyinshi.

Abazitabira bazabasha kubona amoko atandukanye y’inyamaswa ziba muri iyo pariki, imwe mu zikomeye muri Afurika nyuma yo kuzanwamo intare n’inkura.

Pariki y’akagera irimo n’izindi nyamaswa zitanduknaye nk’impala n’imparage, impongo, inzovu, imvubu, ingwe, inyoni z’amoko asaga 500 n’ibindi.

Ushinzwe iyamamazabikorwa muri Wild Connector Safaris , Rugamba Alexis yakanguriye cyane cyane ababyeyi kuzana abana bari mu biruhuko, babafasha gusobanukirwa neza ibitatse igihugu cyabo.

Ni n’umwanya kandi ku muryango n’abakundana gusoza umwaka bishimye batembera ibyiza bitatse u Rwanda.

Ati “Iki gihe abana benshi baba bari mu biruhuko. Ni umwanya mwiza kuri bo wo gutembera no kumenya byinshi ku gihugu cyabo. N’abakuru ni uko, muze dusure pariki yacu y’Akagera tunezezwe no kureba inyamaswa za mbere zikomeye ku isi.”

Kujyana na Wild Connector Safaris muri Pariki y’Akagera, umuntu umwe arasabwa kwishyura amafaranga 30 000 Frw mu gihe abanyamahanga badaturuka mu muryango wa Afurika y’Iburasirazuba bazishyura amadolari 110.

Muri ayo mafaranga harimo itike, uburenganzira bwo kwinjira muri pariki, ifunguro rya ku manywa, abakuyobora n’ibindi.

Abantu bakundana baziye rimwe ndetse n’abana bazagabanyirizwaho 10 %.

Undi mwihariko w’uru rugendo ni uko hazaba hari umufotozi wabigize umwuga uzafata amafoto kandi buri wese akazahabwa umwanya wo kubaza ibibazo byose ku bijyanye n’ibyiza bitatse u Rwanda.

Ku bindi bisobanuro kandi aha: Www.Wildconnectorsafaris.com

Imvubu ni zimwe mu nyamaswa ziboneka muri Pariki y'Akagera
Kuri Ubu muri Pariki y'Akagera haboneka intare, zimwe mu nyamaswa zubashywe ku isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .