RDB yahuguye abayobora ba mukerarugendo ku mateka y’urugamba rwo kubohora igihugu

Yanditswe na Twarabanye Venuste
Kuya 4 Gashyantare 2020 saa 01:55
Yasuwe :
0 0

Ikigo cy’Igihugu cy’Iterambere (RDB) ku bufatanye na Minsiteri y’Ingabo, cyatangije amahugurwa y’iminsi 15 ku bantu 30 bayobora ba mukerarugendo, mu rwego rwo kubongerera ubumenyi kuri gahunda nshya yinjijwe mu rwego rw’ubukerarugendo, yerekeye amateka y’urugamba rwo kubohora igihugu ‘Rwanda Liberation History Tourism trail’.

Liberation History Tourism Trail ni gahunda nshya yinjijwe mu rwego rw’ubukerarugendo, igamije gusobanurira ba mukerarugendo b’abanyarwanda n’abanyamahanga, amateka y’urugamba rwo kubohora igihugu n’impamvu rwabayeho.

Igizwe n’urugendo runyura ahantu (sites) 29 mu turere dutandatu tw’u Rwanda, hafite icyo hasobanuye gikomeye ku rugamba rwo kubohora igihugu rwatangiye ku itariki 1 Ukwakira 1990 rukarangira ku itariki 4 Nyakanga 1994.

Kuri uyu wa mbere tariki 3 Gashyantare 2020, Ikigo cy’Igihugu cy’Iterambere na Minisiteri y’Ingabo, batangiye guhugura abayobora ba mukerarugendo n’abafatanyabikorwa b’urwego rw’ubukerarugendo hagamijwe kubongerera ubushobozi n’ubumenyi bwo gusobanurira abo bayobora iby’amateka y’aho hantu.

Umuyobozi w’ishami ry’amabwiriza agenga ubukerarugendo muri RDB, Emmanuel Nsabimana yavuze ko muri ayo mahugurwa bazasobanurirwa byinshi ku hantu habumbatiye amateka y’urugamba rwo kubohora igihugu ndetse bakanahasura.

Ati “Amateka y’urugamba rwo kubobohra igihugu mu bukerarugendo ni igice gikomeye mu mateka n’umurage mu guteza imbere ubukerarugendo. Twateguye amahugurwa ku bayobora ba mukerarugendo ngo tubongerere ubumenyi kuri urwo ruhererekane. Hari ibyo bigira hano ariko bazajye no kuhasura kugira ngo bazafashe ba mukerarugendo mu buryo bwuzuye.”

Umugaba w’Ingabo zirwanira mu kirere, Maj Gen Emmanuel Bayingana; yavuze ko kumenya amateka y’urugamba rwo kubohora igihugu bizatuma abo basobanurira by’umwihariko abakiri bato bamenya impamvu rwabayeho.

Ati “Twishimiye gukorana n’abayobora ba mukerarrugendo, tubongerera ubumenyi ku mateka y’urugamba rwo kubohora igihugu no kubafasha kwigisha abakiri bato kumenya impamvu y’urwo rugamba.”

Ubukerarugendo bushingiye ku mateka y’urugamba rwo kubohora igihugu, bwatangijwe ku mugaragaro muri Kanama 2019.

Uruhererekane rw’uduce tubumabtiye amateka yo kubohora igihugu

1. Kagitumba (Entry Point), Matimba, Nyagatare

2. Nyabwishongwezi (Death of late Fred), Matimba, Nyagatare

3. Gabiro CTC (1st Barracks captured), Rwembogo, Gatsibo

4. Namuhemure Hill (1st T/Wing), Rwimiyaga, Nyagatare

5. Ryabega (Death place of late Senior Commanders), Nyagatare

6. Gikoba (RPA Seized Position), Tabagwe, Nyagatare

7. Shonga (1st strong enemy Position Defeated), Tabagwe, Nyagatare

8. Kabuga (1st Fundraising in 1992), Karama, Nyagatare

9. Nyagatare Town (1st City captured), Nyagatare

10. Kaborogota (157 CMF HQ), Tabagwe, Nyagatare

11. Gikagati (Barracks Location), Karama, Nyagatare

12. Karama (T/Wing), Karama, Nyagatare

13. Muhambo (7 CMF HQ), Gatunda, Nyagatare

14. Cyondo (B CMF HQ), Kiyombe, Nyagatare

15. Rushaki (Residence of CHC), Rushaki, Gicumbi

16. Mukarange (101 CMF HQ), Mukarange, Gicumbi

17. Mulindi (RPF/RPA HQ), Kaniga, Gicumbi

18. Kaniga (Radio Muhabura), Kaniga, Gicumbi

19. Cyumba, Cyumba, Gicumbi

20. Rubaya (Sick Bay HQ), Rubaya, Gicumbi

21. Bwisige, Gicumbi

22. Bungwe (Assembly Point 3rd Bn), Burera

23. Kivuye “Gatebe” (RPA Communications Center), Gatebe, Burera

24. Kivuye Sector (A CMF HQ), Kivuye, Burera

25. Runaba Parish (C CMF HQ), Butaro, Burera

26. Butaro Hospital (57 CMF HQ), Butaro, Burera

27. Ruhengeri (Prison), Muhoza, Musanze

28. Urugano (RPA Reorganization place), Nyange, Musanze

29. CND, Kimihurura, Gasabo

Ku bufatanye bw'Ikigo cy'Igihugu cy'Iterambere na Minisiteri y'Ingabo abanyamwuga mu kuyobora ba mukerarugendo bahuguwe ku mateka y'urugamba rwo kubohora igihugu n'uduce tubumbatiye ayo mateka
Inzira y'ahantu 29 h'urugendo rw'urugamba rwo kuhobora igihugu abakerarugendo batemberezwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza