00:00:00 IGIHE NETWORK KN KINYARWANDA EN ENGLISH FR FRANCAIS

Ibikorwa byo kumenyekanisha ubukerarugendo n’ishoramari ry’u Rwanda muri Scandinavia byasojwe

Yanditswe na Karirima A. Ngarambe
Kuya 6 April 2022 saa 06:00
Yasuwe :

Kuri uyu wa Mbere tariki ya 4 Mata, Urwego rw’Igihugu rushinzwe Iterambere (RDB ) na Ambasade y’u Rwanda muri Suède ari na yo iruhagarariye mu Burayi bw’Amajyaruguru (Scandinavia) n’Ishami ry’Ubukerarugendo mu Rugaga rw’Abikorera, hasojwe igikorwa cyari kimaze iminsi cyo kumenyekanisha amahirwe y’ishoramari ari mu Rwanda ku bashoramari bo muri ibi bihugu.

Ni ibikorwa byageze mu bihugu bitandukanye birimo Norvège, Danemark, Finland na Suède, aho abashoramari baho basobanurirwaga amahirwe ari mu Rwanda bashobora kubyaza umusaruro.

Iyi gahunda imaze icyumweru yasorejwe mu Mujyi wa Stockholm, ahabereye inama ihuza abashoramari bo muri Suède na RDB na Ambasade y’u Rwanda muri icyo gihugu, haganirwa ku buryo hakomeza kubamo imikoranire no kumenyekanisha ubukerarugendo bw’u Rwanda.

Mutesi Linda ukuriye ishami ry’Ubukerarugendo muri RDB, yabwiye IGIHE ko mu isesengura bakoze mbere yo gutangira ibi bikorwa, babonye ko u Burayi bw’Amajyaruguru ari ahantu heza hafasha u Rwanda mu ishoramari.

Ati “Iri soko ryo muri Scandinavia ritanga amahirwe menshi yo gukurura ba mukerarugendo mu Rwanda. Uyu munsi abakerarugendo baturuka muri Scandinavia baza mu ba mbere bishoboye ku Isi, bafite ubushobozi buhagije bakaba banakoresha amafaranga menshi mu biruhuko kurusha benshi mu baturuka mu bindi bice. “

Ni ibikorwa byageze mu mijyi ikomeye ibonekamo ba mukerarugendo nka Oslo, Copenhagen, Helsink na Stockholm. Ni ubwa mbere RDB yari iteguye igikorwa nk’iki muri ibi bihugu.

Frank Gisha Mugisha ukuriye ishami ry’ubukerarugendo mu Rugaga rw’Abikorera, yavuze ko uru ruzinduko “rwadushoboje guhura no kuganira na ba mukerarugendo b’abaguzi bo muri Scandinavia hagamijwe kongera abakerarugendo bava mu bihugu bya Scandinavia bajya mu Rwanda.”

Yavuze ko babashije kubona umwanya wo kugaragaza ibyiza bitatse u Rwanda abakerarugendo bashobora gusura n’ahashorwa imari no guha umwanya abashoramari n’abakerarugendo bo muri ibyo bihugu bakabaza ibyo badasobanukiwa ku Rwanda.

Ibi bikorwa bya Ambasade y’u Rwanda muri Scandinavia na RDB byatangiye gutanga umusaruro kuko hari abashoramari bamaze kugaragaza ko biteguye gushora imari mu Rwanda.

Linda Mutesi ukuriye ishami ry'ubukerarugendo muri RDB asobanurira abashoramari bo muri Suède
Philbert Ndandali wa RDB atanga ikiganiro
Frank Gisha Mugisha ukuriye ishami ry’ubukerarugendo mu Rugaga rw’Abikorera asobanura amahirwe y'ishoramari ari mu Rwanda
Abashoramari batandukanye muri Suède bari bitabiriye ku bwinshi
Bose bari bateze amatwi amahirwe y'ishoramari u Rwanda rufite
Linda Mutesi na Mugisha basobanurira mu buryo bwimbitse abashoramari
Hashyizweho umwanya wihariye wo gusobanurira abafite inyota yo gushora imari mu Rwanda mu nzego zitandukanye
Uwari uhagarariye Rwandair asobanurira abashoramari amahirwe y'ishoramari ari mu Rwanda
Intore z'u Rwanda zihamiriza muri uyu muhango
Bose bari bafite amatsiko yo kumenya amahirwe y'ishoramari mu bukerarugendo n'izindi nzego
Ambasaderi w'u Rwanda mu bihugu bya Scandinavia, Dr Gashumba Diane yashimye abashoramari n'abashishiikajwe n'ubukerarugendo bw'u Rwanda bitabiriye
Chantal Dusaid ushinzwe itangazamakuru muri Ambasade y’u Rwanda muri Suède
Ambasaderi Gashumba akurikiye ibiganiro
Abitabiriye bishimye aho u Rwanda rugeze rutera imbere by'umwihariko mu bukerarugendo
Frank Gisha Mugisha ukuriye ishami ry’ubukerarugendo mu Rugaga rw’Abikorera
Umunyamakuru wa IGIHE, Karirima Aimable (hagati) yakurikiranye ibi bikorwa byo kumenyekanisha ubukerarugendo n'ishoramari ry'u Rwanda mu bihugu bya Scandinavia
Abakobwa n’abahungu b’abanyarwanda bo mu Itorero Irebero berekanye byimbitse ibijyanye n’umuco w’u Rwanda mu bice by’ubuhanzi bw’imbyino no guhamiriza muri Norvège, Finland, Denmark na Suède
Philip Lucky wa RDB ushinzwe ishoramari atanga ikiganiro i Stockholm ku ishoramari
Abari b'u Rwanda babyina bashayaya imbere y'abitabiriye
Amb. Louise Bergholm, wo muri Minisitiri w’ububanyi n’amahanga ya Suède atanga ikiganiro
Banyuzwe n'intore z'u Rwanda zacinye akadiho mu mudiho gakondo
Ibirango bya Visit Rwanda byari byashyizwe ahabereye iyi nama
Abitabiriye basusurukijwe hifashishijwe imbyino nyarwanda
DJ Moze (iburyo) ukora ibijyanye no kuvanga by’umwuga umuziki muri Suède
Intore isusurutsa abitabiriye
Abari bahagarariye u Rwanda muri ibi bikorwa bishimiye umusaruro babonye muri ibi bikorwa
Bose bakurikiranye bafite amatsiko yo kumenya neza u Rwanda
Buri wese yahabwaga umwanya agasobanuza byinshi ashaka kumenya ku Rwanda
Ingagi zo mu misozi nka kimwe mu byiza nyaburanga biboneka hake ku isi biri mu byifashishijwe mu kwerekana amahirwe y'ishoramari mu bukerarugendo
Intore z'u Rwanda zagaragaje umwihariko w'umuco warwo
Linda Mutesi yahereye kubyo u Rwanda rumaze kugeraho mu ishoramari agaragaza ko hari ibindi bikenewe byashorwamo imari by umwihariko mu bukerarugendo
Hafashwe ifoto y'urwibutso nyuma y'ibiganiro byagenze neza byo gusobanurira abanyamahanga amahirwe y'ishoramari ari mu Rwanda
Linda Mutesi ukuriye ishami ry'ubukerarugendo muri RDB asobanurira abashoramari ibyiza bitatse u Rwanda byabyazwa umusaruro
Mutesi Linda asobanura ubukerarugendo bw u Rwanda n iterambere ryabwo
Umuco nyarwanda ni kimwe mu byerekanywe muri ibi bikorwa
Philibert Ndandali wa RDB asobanura ibijyanye n’ubukerarugendo bw'u Rwanda
Ambasaderi Gashumba aganiriza abashoramari
Ababaga bafite amatsiko bahawe umwanya babaza byinshi ku Rwanda
Ambasaderi Gashumba ubwo yafunguraga ibiganiro byo kumurika ubukerarugendo bw'u Rwanda muri Finland
Habayeho umwanya wihariye wo gusobanura amahirwe y'ishoramari ari mu Rwanda

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .