Abashaka gutembera no kumenya Umujyi wa Kigali bashyizwe igorora

Yanditswe na Mukahirwa Diane
Kuya 28 Gashyantare 2021 saa 12:12
Yasuwe :
0 0

Umujyi wa Kigali ni umwe mu mijyi myiza, ifite isuku kandi irangwamo umutekano ku Mugabane wa Afurika, bituma benshi yaba ab’imbere mu gihugu n’abaturutse mu muhanga bifuza kuwusura no kumenya byinshi ku biwerekeyeho.

Uwageze muri uyu mujyi ntiyifuza gutaha kubera ibyiza byinshi birimo imiturirwa myiza, amahoteli yo ku rwego rwo hejuru, ubusitani burimo ibiti bitanga umwuka mwiza n’ibindi byinshi binogera ijisho ry’abawugezemo.

Abawugenda bakoresha uburyo butandukanye butuma babasha kwirebera ibyiza biwugize, hari abagenda n’amaguru cyangwa abakoresha imodoka zabo biterwa n’icyo bashimye.

Mu gukomeza korohereza abatembera uyu Mujyi, Kigali City Tour yazanye imodoka nini zifasha abantu kureba no kumenya neza Umujyi wa Kigali batavunitse.

Iyi modoka nini ikoze mu buryo bugeretse ku buryo ushaka kurebera Kigali ahirengeye ayibona ndetse no hasi akayibona, ikaba ikora ingendo zitandukanye buri munsi mu Mujyi wa Kigali.

Iyi modoka ihagurukira kuri Kigali Arena ikazenguruka hirya no hino mu duce two muri Kigali nka Kimironko, Kibagabaga, Rebero, mu mujyi rwa gati no mu tundi duce tw’umujyi.

Abashaka gutembera bashobora kugenda mu modoka ya mu gitondo cyangwa ihaguruka nyuma ya saa Sita, bakagenda basobanurirwa byinshi kuri Kigali buri wese yishyuye ibihumbi 10frw gusa akaza no guhabwa ibyo kurya.

Akarusho kandi n’uko abashaka gutegura ibirori kandi banagenda bashobora kwishyira hamwe iyi modoka ikabatembereza bari no kwishimisha mu birori byabo.

Ushinzwe guteza imbere ubucuruzi muri Kigali City Tour, Hassan Yakubu Mapesa, yavuze ko izi modoka zazanywe mu Mujyi wa Kigali mu gufasha abashaka kuwumenya ndetse no guteza imbere ubukerarugendo butandukanye ku buryo abantu bishimisha mu buryo butandukanye.

Ati “Izi modoka zifasha abantu kumenya Kigali ndetse no gusobanukirwa amateka yayo, ku buryo umuntu wakoze urugendo ataha yamenye byinshi kandi yanishimye yafashe amafoto meza n’ibindi byinshi byiza yabibonye.”

Si abo mu Mujyi wa Kigali gusa kuko ushaka kwishimana n’abawe mushobora kwishyira hamwe ku buryo babatembereza aho mushaka hose mu gihugu.

Abagenda muri izi modoka babasha gusobanurirwa byinshi ku Mujyi wa Kigali
Iyi modoka iba igeretse ku buryo wicara aho ushatse mu gihe cyo gutembera
Imodoka ihaguruka mu gitondo na nyuma ya saa Sita

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .