00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Ba mukerarugendo babangamiwe n’umwanda ugaragara ku kiyaga cya Kivu

Yanditswe na Israel Ishimwe
Kuya 28 Kamena 2016 saa 01:26
Yasuwe :

Abakorera ubukerarugendo mu karere ka Rubavu bavuga ko babangamiwe bikomeye n’umwanda ugaragara ku nkengero z’ikiyaga cya Kivu.

Bamwe muri bo batangaza ko inkengero z’ikiyaga cya Kivu ziramutse zigiriwe isuku, barushaho kunogerwa n’ubwiza bwacyo.

Umwe mu baganiriye na RBA yagize ati: “Dukunda u Rwanda, ahantu hose hari isuku ariko hano ubona ko hari umwanda hakwiye kugirirwa isuku.”

Mu Murenge wa Nyamyumba amazi y’aho bita ku Mashyuza afite umwihariko wo guhorana ubushyuhe nayo akurura ba mukerarugendo, abayasura bifuza ko aka gace nako kakwitabwaho ndetse kakagirirwa isuku, bityo ngo abahasura bakarushaho kwiyongera.

Umukozi mu Kigo cy’Igihugu gishinzwe iterambere RDB mu Karere ka Rubavu, Munyankindi Benoit yatangaje ko hakozwe igishushanyo mbonera kigiye gukurikizwa hubakwa hotel n’ibindi bikorwa nyaburanga ku nkengero z’ikiyaga cya Kivu, ibi ngo bikazafasha gukosora ibitanoze mu bukerarugendo buhakorerwa.

Yagize ati “Dufite igishushanyo mbonera cy’ubukerarugendo cyemejwe na Leta. Mu Karere ka Rubavu dufite site ebyiri, ahantu hazubakwa hotel y’inyenyeri eshanu ndetse tukagira na hariya ku mashyuza mu bihe bya vuba ndumva hazaba habonye umushoramari uhakorera cyane ko dufite n’ababyifuza.”

Mu rwego rwo kwagura ibikorwa by’ubukerarugendo mu Karere ka Rubavu, umusozi wa Rubavu nawo wamaze guterwaho ibiti nyaburanga ku buryo nawo uzajya usurwa na ba mukerarugendo.

Ku nkengero z'ikiyaga cya Kivu i Rubavu haravugwa umwanda ukabije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .