Kurekura Abanyarwanda icyenda b’inzirakarengane ni intangiriro nziza ariko Museveni akeneye gukora ibirenzeho

Yanditswe na Matthew Ndirima
Kuya 15 Mutarama 2020 saa 09:41
Yasuwe :
0 0

Ubwo inkuru zacicikanaga mu bitangazamakuru ko Guverinoma ya Uganda yarekuye Abanyarwanda icyenda b’inzirakarengane bari bafungiye muri Gereza z’Igisirikare cya Uganda mu gihe kiri hagati y’imyaka ibiri n’itatu batarashyikirizwa ubutabera, abayobozi muri Guverinoma y’u Rwanda bakiranye yombi n’icyizere cyinshi iyo nkuru.

Basabye Uganda kutarekura gusa Abanyarwanda bafungiye muri Gereza n’inzu z’ibanga za gisirikare ziri muri icyo gihugu ahubwo no kuzuza ibyo biyemeje mu masezerano ya Luanda ibihugu byombi byashyizeho umukono muri Kanama 2019, by’umwihariko ingingo ivuga ko Uganda igomba guhagarika gushyigikira imitwe y’iterabwoba igambiriye guhungabanya u Rwanda.

Nyuma y’irekurwa ry’aba Banyarwanda icyenda, Umunyamabanga wa Leta muri Minisiteri y’Ububanyi n’Amahanga, Amb. Nduhungirehe Olivier, yavuze ko Uganda ikwiye kurekura amagana y’Abanyarwanda bagifungiyeyo no guhagarika gukomeza gushyigikira imitwe yitwaje intwaro irwanya u Rwanda.

Ambasaderi w’u Rwanda muri Uganda, Frank Mugambage, yashimangiye ubu butumwa mu kiganiro yagiranye n’itangazamakuru ku wa 8 Mutarama 2020, asaba Minisitiri w’Ububanyi n’Amahanga wa Uganda, Sam Kutesa, ko n’abandi barekurwa.

Ikintu gikomeje kugaruka muri iri cengezamatwari riyobya rinyuzwa mu bitangazamakuru bya Uganda ni uko igihe cyose Guverinoma y’u Rwanda yakomeje kugaragaza ibi bibazo n’ibindi bisa bireba umubano warwo na Uganda, rwabikoze mu mucyo ku buryo busesuye.

Mu kiganiro n’itangazamakuru Minisitiri w’Ububanyi n’Amahanga wa Uganda, Sam Kutesa, yashatse kuyobya uburari, ashaka ku gutsimbarara ko Abanyarwanda nabo atari shyashya kandi ko kubarekura ari umwanzuro wafashwe ku nyungu za politiki.

Mu by’ukuri nk’Umunyamategeko, Minisitiri Kutesa yakagombye kuba yari abizi ko nta guverinoma cyangwa ubucamanza bufunga abantu imyaka itatu nta kuburanishwa niba koko atari ibya politiki. Uretse ko n’abahohotewe muri iki kibazo bari abaturage b’ikindi gihugu b’inzirakarengane badafite aho bahuriye na politiki.

Ikirenze kuri ibyo Minisitiri ku bwende yavanze ikibazo asaba u Rwanda narwo kugira icyo rukora ku ruhande rwarwo.

Nta na kimwe gihari cyo kugirwamo uruhare, mu gihe u Rwanda rutigeze rufunga Umunya-Uganda n’umwe uretse no kuba rwabakorera iyicarubozo, baracyakora ibikorwa byabo hano nta muntu n’umwe ubabangamiye.

Nibyo koko Uganda buri gihe yagiye ishaka gushyiraho urujijo, igerageza gushyira ubu bushyamirane mu ishusho y’umwanzuro wa Guverinoma y’u Rwanda wo kugira inama abaturage bayo kutajya muri Uganda aho CMI yabatangijeho ibihe byo kubahiga.

Mu kiganiro n’abanyamakuru cyabereye i Kigali ku wa 8 Mutarama 2020, Minisitiri w’Ububanyi n’Amahanga, Dr Vincent Biruta, yatangaje ko igihe guverinoma izaba yanyuzwe n’uko Uganda yahagaritse gufunga no gukorera iyicarubozo inzirakarengane z’Abanyarwanda iki cyemezo kizakurwaho.

Ku rundi ruhande muri Kampala, Ambasaderi w’u Rwanda Mugambage Frank, mu kiganiro n’itangazamakuru cyateguwe na Minisitiri w’Ububanyi n’Amahanga wa Uganda yasabye ubuyobozi bwa Uganda gukemura ikibazo cy’imitwe y’iterabwoba ifashwa ikanashyigikirwa n’ubutegetsi bwa Kampala.

Nk’uko nabigaragaje mbere ibi si bishya ku Rwanda, guhangana n’ibibazo nk’ibi ndetse no gukorana na buri wese wari witeguye gufasha kubikemura.

Mu myaka 25 ishize, igihugu cyahuye n’ibibazo bisa nk’ibi ndetse n’ibibirenze ahanini bitewe na Guverinoma ya Uganda.

Nibyo koko hari inzira byakemuwemo zishobora gufasha guharura inzira niba koko Uganda ikomeje mu gushaka igisubizo kirambye.

Ku wa 4 Nyakanga 2001, ikinyamakuru cya Leta ya Uganda ‘New Vision’ cyasohoye inkuru ku rupapuro rubanza igira iti ‘Kigali yaburiye Cols Mande, Kyakabale”, nyuma y’umwaka abasirikare bakuru ba Uganda bavuye mu gihugu, bahunze itotezwa rya guverinoma bambuka baza mu Rwanda.

Isubira mu itangazo ryakorewe i Kigali, The New Vision yarongeye itangaza ko Guverinoma y’u Rwanda yemeye kwinjira kw’aba basirikare.

Mu by’ukuri ibyavuzwe n’u Rwanda byashimangiraga ko abagambanyi bo muri UPDF bari kwemererwa kuguma mu gihugu ari uko bemeye ko batazajya mu bikorwa na bimwe bya politiki birwanya igihugu cyabo cy’amavuko.

Afurika y’Epfo yakoze ibisa n’ibyo byatangiye kubahirizwa kuva tariki ya 1 Mutarama 2020 ariko n’ubundi u Rwanda rwari rwarerekanye inzira mu myaka hafi 20 ishize.

Abayobozi bo muri Uganda bari barashishikarijwe gusaba ubuhungiro mu Rwanda, nyuma y’uko agatsiko k’abahoze ari abasirikare b’u Rwanda, bafashijwe n’abayobozi b’i Kampala kwinjira muri Uganda aho batangirije ibikorwa byo guhungabanya u Rwanda, bafashijwe na CMI n’izindi nzego zishinzwe umutekano mu gihugu.

Gusa ubwo abasirikare ba UPDF bivumburaga, urukweto rwari ku rundi ruhande na Kampala yasabwe guhagarika ubufasha yageneraga abo basirikare b’Abanyarwanda badafite ubwenge ndetse ibashakira n’ibindi bihugu bibakira, nk’uko u Rwanda rwari rwarabikoze ku basirikare ba Uganda bari barahunze.

U Rwanda nta mutwe n’umwe w’Abanya-Uganda wifuza guhungabanya igihugu cyabo rufite ku butaka bwarwo, nta n’uwo rwigeze. N’abagerageje gushaka ubuhungiro hano, mu myaka nka 20 ishize ntibigeze bahamara igihe kuko Guverinoma y’u Rwanda yahise ako kanya ibashakira uko boherezwa i Burayi.

Ni ku bw’ibyo, igihe kigeze ngo Guverinoma ya Uganda ntihagarike gusa ubufasha n’inkunga yageneraga RNC na FDLR, n’indi mitwe y’iterabwoba igambiriye gutera u Rwanda ahubwo ishake n’ibindi bihugu byakwimurirwamo abayobozi bayo, bahawe uburenganzira bwo gukoresha ubutaka bwabyo mu gutoza no gutegura abahoze batera u Rwanda, nk’uko byagenze vuba aha mu Ukwakira 2019 mu Kinigi, mu Karere ka Musanze aho abantu 14 b’inzirakarengane bishwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .