Bwa nyuma mpura na Rusesabagina

Yanditswe na Willis Shalita
Kuya 12 Nzeri 2020 saa 05:10
Yasuwe :
0 0

Mu magambo ye, umunyabigwi Bob Marley wo muri Jamaica yivugiye ko "uko abantu bibwira ko bageze hejuru cyane, ari nako bibakomerera cyane iyo batakaje ibyatumaga biyumva kwa kundi."

Nahuye bwa nyuma na Rusesabagina ku wa 10 Mutarama muri uyu mwaka, mu mujyi wa San Antonio aho yaturaga igihe atarimo kuzenguruka Isi ategura ibikorwa bye by’iterabwoba, bigambiriye igihugu akomokamo. Icyo gihe yaganiraga n’abantu – biganjemo abatazwi – mu cyari cyiswe DREAMWEEK 2020, abantu bishoboka ko batari no kumenya aho u Rwanda ruherereye ku ikarita y’Isi.

Hamwe n’abandi Banyarwanda umunani bakunda igihugu cyabo, twari twagiye aho ngo tugaragaze ko twaje, ariko by’umwihariko kugenzura uyu mutekamitwe, wakuye ubutunzi muri Jenoside yakorewe Abatutsi. Nk’uko bisanzwe, Rusesabagina mu Cyongereza cye gike yarimo ahimba ibimenyetso ku bivugwa ko yarokoye abantu.

Mbere y’uko tubimenya, twari twazengurutswe n’abashinzwe umutekano bakodeshejwe babaga bahari igihe cyose afite ibyo ashaka kuvuga mu ruhame. Mu ishema ryinshi ryo kuvugana n’abatari abanyarwanda, Rusesabagina iteka yabaga adatekanye igihe hari abanyarwanda bari mu cyumba avugiramo.

Icyantunguye icyo gihe ni ubwo Rusesabagina yagereranyaga impunzi z’abanyarwanda batahutse nyuma y’ifatwa rya Kigali “nk’abateye igihugu ”baje “bagafata ubutaka bwacu bakanatwica.”

Mu myaka cumi n’itanu ishize niyemeje gukurikira Rusesabagina aho agiye gutanga imbwirwaruhame, haba muri za kaminuza no mu mahuriro rusange, ku mpamvu imwe yo kuba umutangabuhamya w’ihakana n’ipfobya rya Jenoside yakorewe Abatutsi ryari rikomeje.

Ukwikuza kwa Rusesabagina kwamugiye mu mutwe, kugeza aho agenda yibwira ko ari intwari n’umunyabigwi mu mateka y’u Rwanda. Ahimba ibimenyetso, agoreka amateka nta gushidikanya kandi ntajya yemera ibibazo bitanditse biturutse mu bamukurikiye, kugira ngo atajya ahabona akisanga hanze y’umujyi.

Ariko uzasanga avugira ku karubanda, ahamagarira abantu guhirika Guverinoma y’u Rwanda yagiyeho muri demokarasi – ibintu bishingiye ku ngengabitekerezo y’abajenosideri, ugasanga iteka avuga ngo “umugore wanjye ni Umututsi, none ni gute nakwanga abatutsi”. Ibyo si ibitekerezo by’umuhanga.

Rusesabagina afite byinshi agomba gusubiza, iyo mba we nari kuba nsubitse gahunda zose za Noheli yari afite. Kuko azatinda muri iki gihugu yarwanyaga hamwe n’abajenosideri bagerageje kugisenya mu myaka makumyabiri ishize. Iherezo ryabyo riraryoshye.

Ibikorwa by’ubugizi bwa nabi by’umutwe w’ingabo wa MRCD (FLN) ayoboye birazwi, amaraso byamennye n’ibikorwa remezo basenye guhera mu 2018 ntabwo byagenda gutyo ngo bihere .

Umutangabuhamya ukomeye cyane kuri Rusesabagina ni we ubwe, mu majwi n’amashusho, ahamagarira yeruye ibikorwa by’ubwicanyi n’imidugararo mu gihugu kirimo gukira amateka ya Jenoside irusha izindi ubukana yabayeho mu bihe bya vuba.

Abandi batangabuhamya bashinja Rusesabagina ni Faustin Twagiramungu bafatanyaga ubugambanyi, umugabo iminwa ye ihora iryaryata kubera urwango, nawe wagaragaye ashimangira ibyaha biregwa Rusesabagina. Amakuru ava i Bruxelles avuga ko Twagiramungu, nk’umwana udafite nyina, atigeze arekeraho kurira kuva Rusesabagina yakwakirwa i Kigali.

Ifatwa rya Rusesabagina riratanga ubutumwa butomoye ku bandi banyarwanda bahuje imyumvire, bashaka kudusubiza mu gihe cy’imiyoborere ishingiye ku moko. Imigambi yose wacurira mu mutuzo w’imijyi yo mu mahanga ntabwo bikubuza ko ukuboko kw’amategeko kukugeraho. Wabaza neza Rusesabagina kuri Sitasiyo ya Polisi ya Remera.

Ikindi impaka z’uko yashimuswe nta shingiro zifite. Ntabwo ushobora “gushimuta” umuterabwoba cyangwa uwahunze amategeko ukenewe n’ubutabera. Nk’uko Rusesabagina azabyiyemereza mu minsi iri imbere, agera i Kigali, mu buryo butari bwitezwe, byari ku bushake bwe. Kandi ntabwo ntekereza ko ari bwo bwa nyuma.

Kuba Rusesabagina yaba afite ubwenegihugu bw’u Bubiligi bityo ngo ntiyakurikiranwa n’amategeko y’u Rwanda, nabyo ni ukuyobya uburari. Ni umunyarwanda, kandi aregwa ibyaha byakorewe mu Rwanda, bityo niho akwiye kugerezwa imbere y’urukiko.

Ibyo byaha by’iterabwoba bishobora no kutaba ibya nyuma kuri uyu wigize intwari y’amafuti. Rusesabagina Foundation yakusanyije amafaranga menshi mu bikorwa byahuzaga abagiraneza, ashobora kuba yarakoreshejwe mu gufasha umutwe wa FLN mu bikorwa byo kurwanya u Rwanda, harenzwe ku mategeko ya Amerika n’amabwiriza y’ikigo gishinzwe umutungo, The Internal Revenue Service (IRS).

Byongeye kandi mu buryo bw’ubujiji ndetse busekeje, ni ukwibwira ko abanyamahanga bazarinda Rusesabagina, ariko nanone nibo bamugize uwo ari we. Muzabaze Victoire Ingabire.

Hari ikiguzi cyo guhemukira u Rwanda, kandi abagize uruhare mu bikorwa byo kwiyahura baba biyemeje kwirengera ingaruka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .