World Link-Up Ltd yahaye amahirwe abashaka kujya kwiga mu mahanga

Ikigo World Link-Up kigiye gufasha Abanyarwanda bifuza kujya gukomeza amasomo ya Kaminuza mu bihugu birimo Canada, u Bushinwa, Ukraine na Leta Zunze Ubumwe za Amerika aho abaziyandikisha mbere bazahabwa amahirwe yo kubona buruse bakiga muri kaminuza zibishyurira amafaranga y’ishuri.

World Link Up itanga serivisi zitandukanye zirimo nko kubona amashuri, ibyangombwa n’ubujyanama ku bifuza kujya kwiga mu mahanga.

Iki kigo gikorana na kaminuza zo mu bihugu bya Amerika, u Bushinwa, Pologne, Canada, Cyprus n’ahandi.

Umukozi wa World Link Up, Rugwizangoga Cédric, yabwiye IGIHE ko abifuza gutangira amasomo muri Nzeri, ubu aricyo gihe cyo kwiyandikisha bikazarangira ku wa 20 Kanama 2019.

Yagize ati “Twe dufite ibigo byiza kandi byizewe mu bihugu bitandukanye, dufasha abanyeshuri kubibona mu buryo bworoshye kandi bwihuse kuko dusanzwe dukorana n’ayo mashuri yo muri ibi bihugu kandi tukabafasha kubona icyangombwa (Visa guidance) ku buntu.”

Yakomeje avuga ko umwihariko bashyiriyeho abashaka kujya kwiga mu mahanga ari uko abaziyandikisha mu ba mbere bitarenze ku wa 16 Nyakanga bafite amahirwe yo kwishyurirwa na kaminuza amafaranga y’ishuri agera kuri 50%, 75% ndetse na 100% mu bijyanye n’ubumenyi bw’indege (Aeronautics), ubuganga (General Medicine) na Architecture byose ku biciro byiza.

World Link Up imaze imyaka ibiri ifasha abanyeshuri b’Abanyarwanda koroherwa no kubona kaminuza zikomeye zibafasha gutyaza ubumenyi bwabo mu masomo atandukanye.

Ushobora kwiyandikisha online http://world-link-up.com cyangwa ukabasanga ku cyicaro mu Mujyi wa Kigali, muri gare ya Downtown mu igorofa rya Gatatu mu muryango wa 34 hejuru ya Commercial Bank of Africa.

Ku bindi bisobanuro wahamagara nimero zikurikira +250788266156/+250786871514.

Zimwe muri kaminuza zikorana na World Link Up


Kwamamaza