The Mirror Hotel yateguye ijoro ryihariye ku bakunda gusohoka ku wa Gatanu

The Mirror Hotel ikorera i Remera mu Mujyi wa Kigali, yadabagije abayigana ishyiraho ijoro ryo gushimira abakiliya bayo mu muziki w’abahanga babyigiye, n’igabanyirizwa ry’ibiciro ku binyobwa bitandukanye.

Kuri benshi umunsi wa Gatanu aba ari uw’ibyishimo no gusabana n’inshuti n’abavandimwe, ndetse benshi usanga bafata akanya bagasohokera ahantu hatandukanye.

Kuri ubu abasohokera muri The Mirror Hotel badabagijwe mu buryo bukomeye mu gikorwa giteganyijwe kuri uyu wa Gatanu tariki 6 Nzeri 2019, aho abahasohokera bashyiriweho icyiswe ‘Happy Night” kigizwe n’ibikorwa byihariye nk’igabanywa ridasanzwe ry’ibiciro ku binyobwa byengerwa mu Rwanda.

Abazitabira ibi birori kwinjira bizaba ari ubuntu, bazakirizwa inyama ziteguwe neza kandi zokejwe n’abahanga bazobereye mu gukora ‘Nyama Choma’ mu Mujyi wa Kigali, ndetse kuva saa moya kugeza saa tatu z’ijoro ibinyobwa nka Heineken izaba igura 1000 Frw mu gihe ibindi binyobwa byo mu Rwanda bizaba ari 800 Frw.

Ushinzwe kumenyekanisha ibikorwa bya The Mirror Hotel, Nkurikiyinka Bosco, yavuze ko abakiliya bayo bazataramirwa n’itsinda ry’abanyamuziki babyigiye mu Ishuri rya Muzika ryo ku Nyundo.

Ubuyobozi bwa The Mirror Hotel butangaza ko gushyiraho umunsi nk’uyu ari ukwiyegereza abakiliya babo no kubashimira uburyo bakomeje kubana nayo mu nzira y’iterambere.

The Mirror Hotel ni imwe muri hoteli zikomeye muri Kigali iri ku rwego rw’inyenyeri enye, iherereye i Remera muri metero 20 uvuye kuri rond-point yo ku Gisimenti, ku muhanda ujya i Remera mu Giporoso.

The Mirror Hotel ifite ubwogero bugezweho
The Mirror Hotel yateguye ijoro ryihariye ku bakunda gusohoka ku wa Gatanu

Kwamamaza