Menya byinshi ku ruganda Masaka Creamery Limited rutunganya amata n’ibiyakomokaho

Uruganda Masaka Creamery Limited rumaze kumenyekana mu gutunganya amata n’ibiyakomokaho, bikundwa cyane ku isoko kandi byuzuye intungamubiri.

Uru ruganda ruherereye mu Mujyi wa Kigali mu cyanya cyahariwe inganda i Masoro, rwatangiye mu mwaka wa 2016, rukora yawurute (yogurts) zitandukanye, ikivuguto, amavuta y’inka y’ubwoko butandukanye, fresh Cream, Ghee n’ibindi, byose bikenerwa n’abana ndetse n’abakuru.

Masaka Creamery Ltd ikora Masaka Yogurt (ikoze mu nkeri na vanilla) ifite ibipimo bitandukanye birimo iya mililitiro 100; mililitiro 150, mililitiro 250, mililitiro 400 na mililitiro 500, hakaba Masaka Yogurt (ikoze mu nkeri na vanilla) ya litiro eshanu na Masaka Yogurt (Natural) nayo ya litiro eshanu.

Mu bindi bicuruzwa harimo Ikivuguto cya litiro imwe, litiro ebyiri na litiro eshanu, ku buryo buri wese yaba umuntu ku giti cye cyangwa umuryango, babasha kubona ibibakwiriye.

Mu bitunganywa n’uru ruganda hiyongeramo Greek Yogurt ya litiro imwe, Fresh Cream ya litiro imwe, Mascarpone ya litiro imwe na Butter (salted /unsalted) y’ikilo kimwe na Cow Ghee y’ikilo kimwe.

Umuyobozi w’uru ruganda, Igiraneza Julie, yavuze ko bafite intego yo gukomeza kuba mu bigo bya mbere bitunganya ibikomoka ku mata.

Ati "Intego dufite ni ugukomeza kuba mu bigo bya mbere bitunganya ibikomoka ku mata mu Rwanda kandi bifite ubwiza utabona ahandi."

Masaka Creamery Ltd ifite abakozi basaga 40, benshi muri abo ni urubyiruko rurimo n’abafite ubumuga bwo kutumva no kutavuga.

Igiraneza yakomeje ati "Dufite intego zo gukomeza guha abakiliya bacu ibyiza kandi tunatanga imirimo ku rubyiruko rw’u Rwanda, by’umwihariko abafite ubumuga bwo kutumva no kutavuga kuko biri mu byo twiyemeje.”

Ibyo Masaka Creamery Ltd ikora byujuje ubuziranenge kuko byemejwe n’Ikigo cy’Igihugu Gishinzwe Ubuziranenge, RSB.

Umuyobozi ushinzwe iyamamazabikorwa, Munana Gloria , yavuze ko bakira litiro nyinshi z’amata buri munsi, ku buryo babasha gutunganya ibikenewe ku isoko.

Ati "Ku munsi twakira litiro nyinshi z’amata ndetse dukorana n’aborozi bo mu Rwanda barenga 2000, ibyo bituma dukora ibintu byinshi kandi byiza ku buryo utugannye atabura ibyo tumuha."

Usibye kuba bakorera i Kigali, banatekereje n’abari mu tundi turere, kuko ibitunganywa n’uru ruganda wabasanga mu Ntara y’Iburengerazuba mu Karere ka Rubavu, mu Ntara y’Iburasirazuba ni muri Nyagatare, Rwamagana na Kayonza, mu Ntara y’Amajyaruguru bakorera i Rulindo na Musanze, naho mu Majyepfo ni muri Huye, Muhanga na Ruhango.

Wanabahamagara no kuri 0789911244 cyangwa ukabandikira kuri [email protected] cyangwa ku zindi mbuga nkoranyambaga nka Twitter, Facebook na Instagram kuri @MasakaCreamery.

Masaka Creamery Ltd ni uruganda rufite ibicuruzwa bikunzwe ku isoko
Abakora muri uru ruganda babizobereyemo
Masaka Creamery Ltd yahaye urubyiruko akazi harimo n'urufite ubumuga bwo kutumva no kutavuga
Uru ruganda rufite ibicuruzwa byinshi byuzuye intungamubiri
Yawurute ya Vanilla ni imwe mu zikorwa n'uru ruganda zikundwa cyane
Yawurute y'Inkeri ya Masaka Creamery Ltd ifite umwihariko ku isoko
Ikivuguto cy'uruganda rwa Masaka cyera de
Yawurute z'uru ruganda zifite ingano zitandukanye, harimo into n'inini
Umwana wanyoye ikivuguto cyangwa yawurute ya Masaka Creamery Ltd ahorana akanyamuneza

Special pages
. . . . . .