IGNIS Appliances yafunguye iduka ryihariye ricururizwamo imashini zikenerwa mu ngo

Sosiyete icuruza imashini zitandukaye zikoreshwa mu ngo, IGNIS Appliances, yafunguye iduka ryihariye rizajya rimurikirwamo ibishya byazanywe ndetse bikanacururizwamo.

IGNIS Appliances icuruza ibikoresho birimo za firigo, biri mu byiciro bitandukanye byaba ibishobora gukoreshwa mu rugo, muri resitora, inganda, ibiro, hoteli n’ahandi.

Iki kigo kandi cyazanye amashyiga agezweho akoreshwa mu gikoni kandi atagira uruhare mu kwangiza ibidukikije, kuko afite umwihariko wo kuba akoranye n’agakoresho kazwi nka ‘hotte’ kagira uruhare mu kuyungurura umwotsi n’umwuka w’ibiryo, kugira ngo bidakwirakwira aho utekeye.

Hari kandi imashini zishyushya amazi zidakoresha umuriro mwinshi kuko zifite uburyo zo ubwazo zizimya mu gihe amazi yamaze gushyuha ku kigero gikenewe.

IGNIS yahaye agaciro kuba abantu bakeneye kuzigama umwanya wabo n’amafaranga, ibazanira imashini zimesa imyenda zikanayumutsa ndetse n’iyoza ibikoresho byo mu gikoni.

Umwe mu bahahiye muri IGNIS Appliances yanyuzwe n’uburyo ibikoresho bamuhaye byatumye ubuzima bwe burushaho koroha, akaba abasha kwikorera imirimo yose mu mwanya muto.

Ati “Ntako bisa nko kuba uri mu rugo ubasha kwimesera imyenda, koza ibikoresho byo mu gikoni, gushyusha amazi ndetse ugakora n’utundi turimo ubikesheje ikoranabuhanga IGNIS Appliances yatuzaniye. Ntakwirirwa uhangayitse ngo umukozi arabikora nabi.”

Ubuyobozi bwa IGNIS buvuga ko ibi bikoresho biba byizewe kandi byujuje ubuziranenge, cyane ko bituruka ku mugabane w’u Burayi by’umwihariko mu Butaliyani.

Uretse kuba byujuje ubuziranenge kandi, iyo uguze ibikoresho muri IGNIS Appliances uhabwa ubufasha bwo kubigeza mu rugo, kubishyira mu myanya byateguriwe, kwigishwa uko bikoreshwa kandi hakiyongeraho n’igihe cy’amezi 15 uba ushobora kuguranirwa igihe hari ikigize ikibazo.

IGNIS Appliances showroom iherereye mu mujyi hagati, hafi ya ‘feu rouge’ zijya kuri Sky hotel, ku muhanda KN 59 st, 10.


Kwamamaza