Great Apartment Hotel ikomeje gushyira ku isonga amacumbi, ibiribwa n’ibinyobwa bifite umwihariko

Great Apartment Hotel yiyemeje guhora ku isonga mu gufata neza abayigana bashaka uruhurirane rwa serivisi itanga zirimo amacumbi, ibinyobwa n’ibiribwa bifite umwihariko utasanga ahandi kandi bihaza amahitamo ya buri muntu.

Iyi Hotel imaze kwigarurira imitima y’abayigana, iherereye i Remera mu Mujyi wa Kigali, ku gicumbi cy’abakerarugendo kuko kuyigeraho uvuye ku kibuga cy’indege cya Kigali giherereye i Kanombe, ugenda ibirometero bibiri gusa.

Ifite umwihariko kuri serivisi zihatangirwa guhera ku bakenera amacumbi meza kuko iherereye aho umuntu aba yitegeye ibyiza by’Umujyi wa Kigali umaze kubaka izina mu ifite isuku, umujyi utoshye kandi utekanye ku ruhando mpuzamahanga.

Umwihariko w’amacumbi

Kimwe mu bintu buri mukerarugendo n’undi wese wifuza kuruhuka ahora yifuza ni ahantu hari amacumbi meza, magari, asukuye kandi atekanye.

Iyi ni imwe mu ngingo ubuyobozi bwa Great Apartment Hotel bwatekerejeho rugikubita, buteganya ibyumba byiza abantu bashobora kuruhukiramo batuje, bifite intebe, ibitanda, matela, amashuka n’imisego bigezweho.

Muri buri cyumba, unasangamo na Televiziyo za rutura zibafasha kumenya amakuru agezweho hirya no hino ku Isi no kureba imipira ya shampiyona z’ibihugu zitandukanye.

Ibyumba by’inama

Iyi hoteli igira ibyumba byiza nk’umuryango cyangwa inshuti n’abavandimwe bashobora kwicaramo bagategura nk’ubukwe bw’umuvandimwe batuje nta kibavangira. Si abategura ubukwe gusa kuko n’andi bafite ikindi bifuza kuganiraho bisanzuye bahasanga ibyumba byisanzuye kandi birimo na Internet ihagije.

Umwihariko w’ibiribwa

Great Apartment Hotel ishyize imbere gutegura amafunguro yuje intungamubiri kandi ateguranye ubuhanga bw’abakozi bazobereye mu gutegura amafunguro ya Kinyarwanda n’aya kizungu ku buryo ibyo waba ukunda byose utahagera ngo ubunze imitima kuko ubihasanga.

Iyi hotel igira amafunguro ya mugitondo, ya saa sita n’aya nimugoroba yihariye ku buryohe n’isuku ateguranye. Ni hoteli imenyerewe ku mwihariko wo gutegura Chicken Stroganoff, nyamacoma, gacumbari n’ifi, Salade n’ibindi byirahirwa kubera uburyohe bifite.

Si ibyo gusa kuko abahamenyereye usanga n’iyo batera urwenya batamara umunota badakomoje ku binyobwa byaho, yaba ibidasembuye nk’amazi, fanta, juice n’ibindi cyangwa ibisembuye guhera ku bimenyerewe nka Primus, Mitzing, Amstel, Heineken n’ibindi kugera ku mivinyo, ikawa n’icyayi by’umwimerere.

Ifite umwihariko wo kugira aho gusiga imodoka[Parking] n’abakozi bacunga umutekano kinyamwuga.

Iyo hotel iherereye i Remera mu Mujyi wa Kigali ku muhanda NR3 uretse ko ushaka gufata icumbi, icyumba cy’inama cyangwa gusaba gutegurirwa amafunguro meza ushobora no guhamagara 0788382272 cyangwa 0781423256 ukakiranwa urugwiro n’abakozi bazwiho kwita ku babagana.

Amafunguro aherekejwe n'imbuto
Bagira n'ibinyobwa ibidasembuye nk’amazi, fanta, imitobe n’ibindi
Muri Great Apartment bagira imikino itandukanye
Abakozi bakirana ababagana urugwiro

Amafoto:Gift MUNYARUGERERO


Kwamamaza