Amadarubindi ya Blue Light, igisubizo ku bibazo by’amaso biterwa no gukoresha ibikoresho by’ikoranabuhanga igihe kirekire

Bitewe n’uburyo ubuzima tubayeho muri iyi minsi bushingiye cyane ku ikoranabuhanga, bituma abantu tutagitandukana n’ibikoresho bituma turikoresha, gusa nanone uo turimaraho igihe kinini, ni na ko ingaruka ritugiraho zirushaho kwiyongera.

Zimwe mu ngaruka ibyo bikoresho bitugira, harimo kwangirika kw’amaso, aho muri iyi minsi hakomeje kugaragara ibibazo by’amaso bitandukanye birimo kumva amaso ananiwe kureba, kuribwa umutwe, kuba amarira yaba make mu maso n’ibindi. Ni ingenzi cyane ko mu gihe wumvise kimwe muri ibi bimenyetso, ugomba kugira icyo ukora bitaragera kure.

Ubushakashatsi bwerekana ko abantu hafi 80% bakoresha ibikoresho by’ikoranabuhanga mbere yo gusinzira, naho 55% bakabikoresha mu isaha ya mbere bakibyuka.

Ibyo byumvikanisha neza ko ibikoresho by’ikoranabuhanga birimo nka telefoni na televiziyo byamaze kuba kimwe mu bice by’ingenzi bigize ubuzima bwacu, ariko kandi kumara igihe kirekire ukoresha ibikoresho by’ikoranabuhanga nka mudasobwa bishobora guteza uburwayi bukomeye.

Ni yo mpamvu amadarubindi ya ’Blue light’ yakozwe. Aya madarubindi ya Blue light ni bumwe mu buryo bwizewe cyane bwagufasha kugabanya ingaruka zo kumara igihe kinini umuntu akoresha ibikoresho by’ikoranabuhanga, nk’uko byemejwe n’abashakashatsi b’Abahinde.

Amadarubindi ya Blue light afasha mu gutandukanya amabara umuntu ari kureba, bityo bikamufasha kugira ubushobozi bwo kureba neza kandi akaba yamara igihe kirekire akoresha amaso ye kandi atagize ibibazo, kabone n’ubwo yaba ari gukoresha ibikoresho by’ikoranabuhanga.

Ibi bituma uri gukoresha amadarubindi ya Blue Light atagira ibibazo byo kuribwa umutwe, kunanirwa kw’amaso n’ibindi bibazo bitandukanye biterwa n’urumuri rwinshi rwakirwa n’amaso.

Uretse ibyo byose kandi, ntidushobora kwirinda kudakoresha ibikoresho by’ikoranabuhanga, ahubwo tugomba gushaka uburyo twakwirinda ingaruka mbi zikomeye dushobora guterwa no kubikoresha. Amadarubindi ya Blue light afite ubushobozi bwo kukurinda guhura n’izo ngaruka ndetse n’ibimenyetso byose bijyana na zo.

Amadarubindi ya Blue Light ashobora kugufasha kugabanya ingaruka zo gukoresha ibikoresho by'ikoranabuhanga
Abifuza amadarubindi ya Blue Light bashobora kuyasanga muri Classic Optic

Special pages
. . . . . .