Abatunze imodoka za Hyundai mu Rwanda bahawe ukwezi kwa serivisi z’igaraji kuri make

Mu rwego rwo gufasha abatunze imodoka za Hyundai bakozweho n’ingaruka z’icyorezo cya COVID-19, Ikigo gikora ubucuruzi bw’imodoka n’ibikoresho byazo, Hyundai Rwanda yagabanyije ibiciro by’ibikoresho by’imodoka (spare parts) n’ibya serivisi z’igaraji zirimo kumena amavuta, kongera gas mu modoka, gutera irangi n’ibindi.

Iyi gahunda yo kugabanya ibiciro yatangiye kuri uyu wa 19 Mata 2021 ikazarangira ku wa 19 Gicurasi 2021.

Mu kiganiro IGIHE yagiranye n’Umuyobozi ushinzwe ibya Technique muri Hyundai Rwanda, Thierry Fifield yavuze ko iyi gahunda bayitekerejeho nyuma yo kubona ko ingaruka za COVID-19 mu bijyanye n’ubukungu zageze ku bantu batandukanye barimo n’abatunze imodoka za Hyundai.

Fifield yavuze ko bahisemo gutangiza uku kwezi kugira ngo nibura bunganire aba bantu babagabanyiriza ibiciro.

Ati “Twagabanyije ibiciro kuri buri serivisi zacu, ngo tunafashe Abanyarwanda kongera kwiteza imbere muri ibi bihe bya COVID-19. Mu igaraje ryacu dukoreramo ibikorwa bitandukanye birimo gukanika imodoka, icya kabiri ni izindi serivisi zikenerwa ku modoka zirimo nko kumena amavuta, ibyo twita serivisi zoroheje ndetse n’ibijyanye no gutera amarangi.”

Uyu mwihariko ntureba gusa imodoka za Hyundai kuko n’abafite iz’ubundi bwoko igihe bakeneye izi serivisi bazajya bagabanyirizwa igiciro. Uretse uku kumanura ibiciro umuntu uzakoresha imodoka ye muri Hyundai Rwanda ntazasabwa kwishyura igiciro cy’umukanishi nk’uko byari bisanzwe bigenda.

Fifield yavuze ko abantu bakwiye kureka kumva ko igaraji rya Hyundai Rwanda rihenda. Ati “Tugamije kwereka Abanyarwanda ko igaraji rya Hyundai Rwanda ridahenze kurusha andi magaraji yo mu Rwanda, ahubwo ko ifite ibikoresho by’umwimerere bakunze kuvuga ko bitaboneka mu Rwanda."

Abashaka izi serivisi bashoboea guhamagara ku murongo utishyurwa wa 2356 cyangwa 0786131270.

Hyundai Rwanda ihagarariye uruganda rukora imodoka rwo muri Koreye y’Epfo rwa Hyundai Motor Company mu Rwanda no mu Burundi aho icuruza imodoka zarwo muri ibi bihugu, ikagira n’igice gicururizwamo ibyuma by’imodoka ndetse n’igaraji zikorerwamo.

Abatunze imodoka za Hyundai mu Rwanda bahawe ukwezi ko kuzikoresha ku giciro kigabanyije
Mu byagabanyirijwe igiciro harimo na serivisi zo kumena amavuta
Umuyobozi ushinzwe ibya Technique muri Hyundai Rwanda, Thierry Fifield yavuze ko bahisemo gutangiza uku kwezi kugira ngo bafashe abantu batunze imodoka za Hyundai bagizweho ingaruka na COVID-19

Special pages
. . . . . .