Abashaka akazi bashyiriweho uburyo bworoshye bwo kubona umwirondoro (CV) n’ibaruwa isaba akazi

Mu buzima bwa buri munsi buri muntu aharanira gukorera ahantu heza, hamuha umudendezo ndetse akabasha kwisanzura no kwiteza imbere.

Si ibintu bipfa kwizana kuko bisaba umuhate wo kubiharanira kugira ngo inzozi z’umuntu zibashe kuba impamo.

Urufunguzo rwo kugera kuri iyi ntambwe ruri mu kubona akazi ndetse iturufu yabyo iri mu kumenya kugasaba mu buryo butomoye.

Nyuma yo gusanga hari abagorwa no kwandika amabaruwa asaba akazi ndetse n’umwirondoro uyaherekeza, urubuga rwa www.jobsfinder.rw runaboneka kuri www.job.rw isanzweho amakuru yerekeye akazi n’amasoko ari ahantu hatandukanye mu Rwanda, rwashyizeho uburyo bushya buzabera Abanyarwanda benshi igisubizo.

Bamwe mu bantu basaba akazi bakunze kugorwa no kwandika neza ibaruwa isaba akazi (Cover Letter) no gutunganya inyandiko ikubiyemo umwirondoro wabo (Curriculum Vitae/CV) bikaba byanatuma badatoranywa ngo bahatanire akazi.

Kuri www.jobsfinder.rw hashyizweho uburyo bushya bwo gufasha abashaka akazi kubona ibaruwa ndetse na CV bikozwe neza mu buryo bugezweho kandi zikozwe n’inzobere ku buryo byongera amahirwe yo kubona akazi ku bagashaka.

Ibi bije nyuma y’uko Ikigo Loop Technologies ari na cyo urwo rubuga rubarizwamo gikoze ubushakashatsi kigasanga 85% by’abantu basaba akazi batabona amahirwe yo gutoranywa mu bazagahatanira bitewe nuko bateguye nabi CV n’amabaruwa asaba akazi.

Loop Technologies ivuga ko yasanze abantu badatanga neza ubutumwa abatanga akazi baba bakeneye, akaba ari yo mpamvu bateguye ubu buryo bwo gufasha Abanyarwanda kubona izi serivisi biciye ku rubuga www.jobsfinder.rw/shop aho bazajya bagura serivisi bakeneye yaba CV cyangwa ibaruwa bikoze neza.

Abagura izi serivisi bazajya bishyura bakoresheje ikoranabuhanga (Mobile Money, Visa card, Master Card,...) hanyuma bagezweho impapuro zibafasha gusaba akazi mu buryo busobanutse.

Ibi byitezweho kuba igisubizo gifasha benshi kongera amahirwe mu kubona akazi ndetse no korohereza abakoresha guhitamo abakandida bakwiriye mu buryo bworoshye.

Abifuza iyi serivisi basura www.jobsfinder.rw/shop bagahitamo iyo bakeneye cyangwa bagahamagara 0785 743 533 bagafashwa byihuse.


Special pages
. . . . . .