Sosiyete ya Karisimbi Events isanzwe itegura ibihembo bitandukanye, ikaba iherutse kubikora ku nshuro ya munani, aho yashimiye ibigo bikora imirimo itandukanye byakirana yombi ababigana.

Uko ibi bihembo byatanzwe, habazwe 60% by’uko ikigo cyatowe, andi majwi 40% ave ku buryo ikigo kigaragara, izina gifite mu kwakira neza abakigana n’uko kivugwa muri rubanda.

Winner Rwanda yahise ihiga izindi mu gutanga serivisi nziza by’umwihariko muri sosiyete zikorera mu Rwanda mu bijyanye n’imikino y’amahirwe.

Ibi birashingirwa n’uburyo yakiramo abakiriya bayo, guhanga udushya, ndetse no gufasha abayigana mu mibereho myiza ya buri munsi.

Winner Rwanda isanzwe ari umuterankunga wa Vision FC yo mu Cyiciro cya Mbere mu Rwanda, igafasha Waka Gym ikora ibijyanye n’imikino ngororamubiri, igatera inkunga isiganwa ry’abato ry’amagare rya ‘Rwanda Junior Cycling Tour’, n’ibindi.

Usibye abakina banyuze ku mashami yayo ari i Nyamirambo, mu Mujyi rwagati, Giporoso, Kimironko, Kagugu, Kinamba na Nyabugogo, abandi bifashisha ikoranabuhanga kuri www.winner.rw.

Winner Rwanda yegukanye igihembo nka sosiyete nziza mu gutanga serivisi z'imikino y'amahirwe

Kugeza serivisi nziza ku bakiriya ni byo abakozi ba Winner Rwanda biyemeje

Umuyobozi Ushinzwe Iyamamazabikorwa muri Winner Rwanda, Gakwandi Aime Chris, yashimye Kalisimbi Events yatanze ibihembo

Winner Rwanda yegukanye ibihembo itanga serivisi ku bagana amashami yayo ndetse n'abagana uburyo bw'ikoranabuhanga

Winner Rwanda yari yitabiriye umuhango wo gutanga ibihembo ku bahize abandi bitangwa na Kalisimbi Events

Usibye gutanga serivisi nziza, Winner Rwanda inafasha abakiriya bayo mu buzima busanzwe