Ni umukino uteganyijwe kuba ku Cyumweru, tariki ya 9 Werurwe 2025, ukazabera kuri Stade Amahoro, ariko na sosiyete icuruza amashusho ya StarTimes ikaba yifuje kuzadabagiza abatazahagera.

Uyu ni umukino wahagurukije benshi bigendanye n’uburyo aya makipe akunze guhanganamo, ndetse kuri iyi nshuro aya makipe akaba ahanganiye Igikombe cya Shampiyona.

Abafana b’umupira w’amaguru, bazaryoherwa n’uyu mukino binyuze kuri shene ya Magic Sports hamwe na StarTimes, ukaba ari umukino uzaba saa Cyenda z’amanywa.

Amahirwe aracyahari ku badafite ’decoder’ ya StarTimes iri kugura 15,000 Frw, ndetse uyiguze agahita abona ifatabuguzi rimwereka amashene yose.

Abasanganywe ’decoder’ ya StarTimes badafite ifatabuguzi, na bo bashobora kugura irizwi nka ‘Classic bouquet’ [ku bakoresha ‘Antenne’ y’udushami] na ‘Smart’ [ku bakoresha igisahani].

Uretse iyi mikino kandi, abakiriya ba StarTimes barakomeza kuryoherwa n’imikino ikomeye muri izi mpera z’icyumweru, aho izerekana imikino ya Shampiyona yo muri Espagne, by’umwihariko umukino wa FC Barcelona na CA Osasuna. Ni umukino uzaba ku wa Gatandatu Saa Ine z’ijoro kuri shene ya ‘Sports Premium’.

Indi mikino yo muri iyi shampiyona harimo uwa Real Madrid na Rayo Vallecano, Getafe CF na Atlético de Madrid.

Imikino ikomeye yo muri Shampiyona y’u Budage izanyura kuri StarTimes harimo uwa SC Freiburg na RB Leipzig Saa Moya n’Igice, kuri World Football. Hakazanyuraho kandi uwa FC Bayern München na VfL Bochum, Bayer 04 Leverkusen na SV Werder Bremen na Borussia Dortmund izakira FC Augsburg.

Umukino wa APR FC na Rayon Sports utegerejwe n'abatari bake

Umukino wa APR FC na Rayon Sports uzakurikiranirwa kuri StarTimes

StarTimes yashyize igorora abifuza kureba umukino wa APR FC na Rayon Sports

Imikino ya LaLiga izanyura kuri StarTimes

Umukino wa Getafe CF na Atlético de Madrid uzanyura kuri Sports Life

Umukino wa Real Madrid na Rayo Vallecano uzanyura kuri Sports Premium

Imikino y'Umunsi wa 27 wa Shampiyona ya Espagne

Imikino iteganyijwe mu Budage