StarTimes yashyize igorora abana mu bihe bya Noheli n’Ubunani

Yanditswe na Uwiduhaye Theos
Kuya 16 Ukuboza 2020 saa 02:58
Yasuwe :
0 0

Iminsi mikuru iregereje! Ubu bamwe batangiye gutekereza uburyo bazayitwaramo abandi bagura amatungo magufi n’amaremare bazifashisha nk’ababoga muri ibyo bihe.

Ariko hari n’abari gutekereza icyo bazifashisha bafasha abana babo kunezererwa no kunyurwa n’iyi minsi, benshi baba bumva idasanzwe kuko aba ari iyo kwishimira ko barangije umwaka amahoro.

Aha niho StarTimes yatekereje kubagoboka ibazanira ibiganiro n’ibindi bitandukanye bizafasha abana babo gushira irungu.

Kuri ST KIDS guhera ku wa 14 Ukuboza kugeza ku wa 17 Ukuboza, hateganyijwe kunyuzwaho porogaramu ya ‘Boonie Bears: The Adventurers’ guhera saa kumi n’imwe ndetse n’iya ‘The Guardians of Carcosa S6’ yatangiye kunyuzwaho guhera kuri uyu wa Mbere tariki 14 Ukuboza.

Hari kandi filime zizajya zinyuzwa kuri shene ya Toonami. Hazanyuzwaho filime zitandukanye zirimo ‘Batman’, ‘Superman’, ‘Wonder Woman’ ndetse na ‘Dragon Ball Super’.

Kuri shene ya ‘DreamWorks’ hazajya hanyuzwaho Voltron: Legendary Defender, izajya inyuzwaho buri munsi guhera saa cyenda n’igice kugeza saa kumi n’ebyiri n’igice ndetse no muri weekend saa tatu za mu gitondo.

Izindi filime zizanyuzwa kuri StarTimes harimo The Legend of Korra na Avatar: The Last Airbender.

The Guardians of Carcosa izerekanwa kuri StarTimes muri ibi bihe
Boonie Bears iri muri filime zizerekanwa kuri StarTimes

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .