Ku Cyumweru, tariki ya 9 Werurwe 2025, ni bwo ku bibuga bya IPRC-Kigali habereye umukino wa nyuma wa ‘ATP Challenger 100 Tour’, aho hakinwe umukino w’abakina ari umwe (Singles), mu gihe abakina ari babiri (Dubles), wabaye ku wa Gatandatu.

Umukino wa nyuma muri ‘Doubles’ wahuje ikipe yari igizwe na Siddhant Banthia na Alexander Donski begukanye ’ATP Challenger 100 Tour’ nyuma yo gutsinda Geoffrey Blancaneaux na Zdenek Kolar amaseti 2-1 (6-1, 7-5, 10-8).

Iri rushanwa ryari rifite abafatanyabikorwa batandukanye, ndetse I&M Bank Rwanda ikaba yari umwe mu b’imena, dore ko n’Umuyobozi ushinzwe Imenyekanishabikorwa n’Itumanaho muri I&M Bank Rwanda, Kamikazi Fiona, ari we watanze igihembo ku ikipe yabaye iya kabiri.

Ni ikipe yari igizwe n’Umufaransa Blancaneaux n’Umunya-Repubulika ya Tchèque, Zdenek Kolar. Umukino wa nyuma muri ‘singles’ wahuje Umufaransa Valentin Royer watsinze Umuholandi Guy Den Ouden.

Aya marushanwa ya Rwanda Challenger yatangiye kuva tariki ya 24 Gashyantare kugeza ku ya 1 Werurwe 2025 hakinwa ‘ATP Challenger 75 Tour’, aya ‘ATP Challenger 100 Tour’ atangira tariki ya 3 kugera ku ya 9 Werurwe 2025.

Aya ni amwe mu marushanwa atanu ategurwa n’Ishyirahamwe rya Tennis y’Ababigize umwuga (ATP), aho atanga amanota 75 na 100 uko akurikirana.

I&M Bank yateye inkunga irushanwa mpuzamahanga rya Tennis

Abitabiriye imikino ya Rwanda Challnger banyuzwe n'uko ryagenze

Umuyobozi ushinzwe Imenyekanikanishabikorwa n’Itumanaho muri I&M Bank Rwanda, Kamikazi Fiona, ari mu bitabiriye iyi mikino

Kamikazi Fiona yitabiriye imikino ya nyuma y'abakina ari babiri

Umuyobozi ushinzwe Imenyekanishabikorwa n’Itumanaho muri I&M Bank Rwanda, Kamikazi Fiona, yari yitabiriye iri rushanwa

I&M Bank Rwanda yaboneyeho kumenyekanisha ibokorwa byayo

I&M Bank Rwanda imaze kwimakaza kwegera abakiriya bayo binyuze muri siporo

Siddhant Banthia na Alexander Donski ni bo begukanye 'ATP Challenger 100 Tour' mu bakina ari babiri

Kamikazi Fiona yahembye Geoffrey Blancaneaux na Zdenek Kolar basoreje ku mwanya wa kabiri

Ambasaderi w'u Bufaransa mu Rwanda, Antoine Anfré, yakurikiye amarushanwa ya Rwanda Challenger ari kumwe n'Umuyobozi Mukuru wa RDB, Jean-Guy Afrika

Valentin Royer na Guy Den Ouden bahuriye ku mukino wa nyuma

Valentin Royer yahiriwe n'imikino yabereye mu Rwanda

Guy Den Ouden agiye gutera agapira

Minisitiri wa Siporo, Nelly Mukazayire yakurikiye imikino ya nyuma

Amafoto: Habyarimana Raoul & Rusa Prince