Ku nshuro ya mbere, iyi kaminuza yafatanyije n’ubuyobozi bwayo, ubw’Akarere ka Kicukiro ndetse n’abanyeshuri bayigamo mu gutera ibiti 500 ndetse bakazakomeza kugeza intego zeshejwe.

Ni ibiti byatewe ku muhanda wa Rwandex, Umuyobozi wa Mount Kigali University, Dr. Martin Kimemia, avuga ko ari intambwe idasubira inyuma mu kubungabunga ibidukije.

Yagize ati “Ikigo gishyigikiye igikorwa cyo gutera ibiti mu bice bitandukanye by’igihugu, ubu dufite akazi ko kubungabunga ibidukikije kandi ntituzateshuka ku kubikora.”

Abanyeshuri bari muri iki gikorwa bagaragaje ko nk’urubyiruko, ari b bakwiriye gufata iya mbere bagafatanya n’igihugu kuba batera ibiti kuko bituma abatuye igihugu bagira ubuzima bwiza mu gihe kirambye.

Minisiteri y’Ibidukikije yatangije umushinga wo gutera ibiti miliyoni 65 hirya no hino mu gihugu, ikangurira Abanyarwanda kuzagira uruhare muri icyo gikorwa no kubungabunga ibiti bizaterwa.

Mu biti bizaterwa hirya no hino harimo ibiti by’imitako, iby’imbuto, iby’ishyamba ndetse n’ibya gakondo byari byarabuze.

Abanyeshuri ba Mount Kigali University bagize uruhare mu gutera ibiti 500

Mount Kigali University yateye ibiti mu Karere ka Kicukiro

Mu gihugu hose hazaterwa ibiti miliyoni 65