Ni irushanwa ryabereye ku kibuga mpuzamahanga cya Golf cya Kigali (Kigali Golf Resort & Villas) giherereye i Nyarutarama cyitabirwa n’abakinnyi 71 basanzwe bakina uyu mukino mu Rwanda.

Abakinnyi bose bitabiriye iri rushanwa batangiye guhatana saa Mbiri za mu gitondo, amakipe 18 agizwe n’abakinnyi bane ndetse n’imwe yarimo batatu, ni yo yahataniye ibihembo.

Umukinnyi mwiza kuri uyu munsi wahize abandi mu gutera agapira kakagera kure cyane (Longest Drive) ni Dries Grober mu gihe uwegereje agapira umwobo ari James Mureith.

Kuri uyu munsi hahembwe amakipe aho guhemba umukinnyi wahize abandi, iyari igizwe na Bafakulera Robert, Rutamu Innocent, Murangira Kenneth na Ras Tinyinondi ihiga izindi.

Ikipe ya kabiri yari igizwe na Kamanzi Desire, Mukunde Diana, Ndagijimana Célestin na Kubwimana Théogène. Iya gatatu ni iya Jenny Linda, Brenda Muteteri, Sugi Felix na Sunday Kabarebe.

Umuyobozi Mukuru wa I&M Bank (Rwanda) Plc, Mutimura Benjamin, yavuze ko ubwo intambwe ya mbere yatewe hagiye gukurikiraho gufatanya kugira ngo umukino uzamuke.

Ati "Dushimishijwe cyane no gufatanya na CNBC Rwanda Golf Challenge, kuko iyi mikoranire igaragaza uburyo ubufatanye bushobora guteza imbere siporo hano mu Rwanda.”

“Uru rugendo rutangiranye intego zo gushyigikira no guteza imbere uyu mukino ntiruhagararira aha, twiyemeje gukomeza gushyigikira iterambere ry’umukino wa Golf ndetse na siporo muri rusange.”

Umuyobozi Mukuru wa CNBC Africa muri Afurika y’Iburasirazuba, Denham Pons, yavuze ko kwifatanya kw’ibigo byose ari amahirwe ku Rwanda rwifuza kuzamuka muri siporo no mu bukungu.

Ati “Intego zacu ni uko iri rushanwa rizakomera kandi rikaba icyitegererezo mu Rwanda no muri Afurika. Twagize amahirwe yo gukorera mu Rwanda no kubona ko rufite ibyo rutanga ku barugana, ubu rero ntituzahwema gukomeza kwereka amahanga icyo u Rwanda ari cyo.”

I&M Bank (Rwanda) Plc isanzwe itera inkunga indi mikino irimo Tennis n’amagare by’umwihariko mu kuzamura impano z’abawukina no kwegereza abakiriya bayo serivisi za banki.

I&M Bank (Rwanda) Plc. igeze kure yimakaza ibikorwa bya siporo

Irushanwa ryatangiye mu masaha ya mu gitondo

Umukinnyi wateye umupira ku ntera ndende kurusha abandi yarabihembewe

John Rwangombwa ari mu bitabiriye iri rushanwa

Abakinnyi bakiniye mu myobo 18 igize ikibuga cya Kigali Golf Resort & Villas

Abakinnyi bitabiriye irushanwa bagera kuri 71

Abakozi ba I&M Bank Rwanda Plc. bakurikiranye uko imikino iri kugenda

Buri kipe yari igizwe n'abakinnyi bane

Abakinnyi bari bishimiye guhatanira ibihembo mu irushanwa rya CNBC Africa Challenge

I&M Bank yari yiteguye gukora ibishoboka ngo irushanwa rigende neza

Aho gufatira amafoto hari hateguwe neza n'abafatanyabikorwa b'irushanwa

Umuyobozi Ukuriye Imenyekanishabikorwa n'Itumanaho muri I&M Bank (Rwanda) Plc, Fiona Kamikazi n'Umuyobozi Mukuru w'Ikigo cy'Imari n'Imigabane mu Rwanda (Rwanda Stock Exchange (RSE), Rwabukumba Pierre Célestin bitabiriye uyu muhango

Umuyobozi wa RDB, Francis Gatare, yanejejwe no kubona ibigo byishyira hamwe bigategura irushanwa rya Golf

Ibihembo byari bitegereje abitwara neza

Umugoroba wo gutanga ibihembo wabereye muri Serena Hotel

Amakipe yitwaye neza yahembwe

Francis Gatare uyobora RDB yitabiriye umugoroba wo gutanga ibihembo

Umuyobozi Ukuriye Imenyekanishabikorwa n'Itumanaho muri I&M Bank (Rwanda) Plc, Fiona Kamikazi, ari mu bitabiriye uyu mugoroba

Irushanwa ryitezweho kumenyekanisha u Rwanda mu mahanga

Abakozi ba I&M Bank Rwanda Plc. bagize uruhare mu gutuma irushanwa rigenda neza

Amafoto: Habyarimana Raoul