Ni igikorwa cyabaye kuri uyu wa Gatandatu, tariki ya 31 Kanama 2024, kibera mu Mujyi wa Kigali ku biro bikuru by’iyi Banki biri muri ‘Car Free Zone’ ahari hahuriye abana, ababyeyi ndetse n’abakozi ba BK.

Ababyeyi barenga 200 bafungurije abana babo konti yitwa ‘Kira Kibondo’ batumiwe muri iki gikorwa kugira ngo bazane abana babo mu gihe bari kwitegura gusubira ku ishuri.

Uwabyifuzaga yaboneragaho kugura ibikoresho by’abana ku giciro gito kuko aho bigurirwa hari hateguwe, mu gihe abana barimo bidagadura mu mikino ibagenewe yari iteganyijwe.

Harimo abakinaga Basketball, umupira w’amaguru wo kuri mudasobwa ‘Video Games’, ibyicungo n’ibindi byabafashaga. Habayeho n’umwanya wo gukata umutsima nk’ikimenyetso cy’ibyiza bimaze kugerwaho.

Umwe mu babyeyi bayobotse iyi gahunda ya ‘Kira Kibondo’, Musanganire Rose, yavuze ko ari gahunda nziza kandi yashishikariza buri mubyeyi kuyigana.

Ati “Ndashimira Banki ya Kigali kuba yaradukanguriye iyi gahunda. Nabimenye mu 2017 narabaye umukiriya mu 2008. Konti twarazifunguje tuzigamaho amafaranga y’abana bitewe n’abo umubyeyi afite. Buri uko ngiye kuyisura nsanga amafaranga yariyongereye.”

“Konti ya ‘Kira Kibondo’ ni nziza cyane kuko usibye kuzigamira abana inabafasha gukura neza biga bakanasobanukirwa ibyiza byo kuzigama.”

Umuyobozi Mukuru wa Banki ya Kigali, Dr. Karusisi Diane, yashimye ababyeyi bamaze kumva ibyiza by’iyo konti, abasaba kubibwira n’abandi. Ati “Abandi babyeyi mubabwire ko kwinjira mu muryango wa BK bidasaba ko abona irangamuntu.”

Umunyamabanga Uhoraho muri Minisiteri y’Uburinganire n’Iterambere ry’Umuryango (MIGEPROF), Batamuliza Mireille, yavuze ko buri mwana yagakwiriye kuvuka yarateganyirijwe.

Ati “Kubyara umwana kwa mbere ni ukumeteganyiriza. Umuco mwiza wo kuzigama buri mubyeyi akwiriye kuwuyoboka kandi akawigisha abe kugira ngo bazamanenye ibyo bakwiriye kwihitiramo mu gihe bageze mu myaka yo kwifatira umwanzuro.”

Kwishimana n’abana bafite konti kandi byahujwe no gusobanurira ababyeyi babo izindi gahunda na serivisi za Banki ya Kigali.

Abana bishimye biratinda

Ibikinisho by'abana byari byateguwe ku bwinshi

Abana banyuzwe no gutemberezwa mu gikorwa cya BK bakahahurira na bagenzi babo

Abana bashushanywagaho amashusho y'udusimba tubanezeza

Ibikoresho by'ishuri birimo amakaye byacurujwe ku giciro gito ku babyeyi bari biteguye kubigura

Banki ya Kigali yifuza ko buri mwana yayoboka inzira yo kuzigama akiri muto

Ingabire Rose ushinzwe ibikorwa muri Banki ya Kigali yahaye abana n'ababyeyi ikaze abasaba gukomeza kunezerwa

Gitego Benjamin ushinzwe imari n'ikoranabuhanga muri Banki ya Kigali yasobanuye imiterere ya konti yiswe 'Kira Kibondo'

Anita Pendo yafashaga abana gususuruka ndetse akanayobora gahunda

Ababyeyi benshi bamaze kumenya akamaro ko kuzigamira abana bakiri bato

Imikino y'abana ni kimwe mu bituma bakunda gahunda zibagenewe

Umuyobozi wa Banki ya Kigali, Dr. Diane Karusisi, yishimiye kubona abana bakina

Buri mwana wese yatashye anyuzwe

Umunyamabanga Uhoraho muri Minisiteri y'Uburinganire n'Iterambere ry'Umuryango (MIGEPROF), Batamuliza Mireille, yashishikarije ababyeyi gushyira imbaraga mu kwigisha abana kwizigamira

Umuyobozi wa BK, Dr. Diane Karusisi, yavuze ko 'Kira Kibondo' ituma Banki ya Kigali igira abakiriya bakiri bato

Abana barangije kwiga babifashijwemo na 'Kira Kibondo' bashimiwe

Ubuyobozi bwa Banki ya Kigali kandi bwasangiye n'abana

Abana banyuzagamo bakabyina bisanzuye

Anita Pendo yaganirije abana ku byiza byo kwizigamira

Amafoto: Niyonzima Moses