00:00:00 IGIHE NETWORK KN KINYARWANDA EN ENGLISH FR FRANCAIS

Airtel yatangije ipaki nshya yise ’Ubuntu’

Yanditswe na Uwiduhaye Theos
Kuya 7 May 2022 saa 03:56
Yasuwe :

Sosiyete y’Itumanaho ya Airtel Rwanda yatangije ipaki nshya, izajya ihamagara ku mirongo yose ndetse uwayiguze akabona internet yo gukoresha.

Ibi byatangajwe mu kiganiro n’itangazamakuru cyabaye kuri uyu wa Gatanu tariki 6 Gicurasi 2022.

Cyari cyitabiriwe n’Umuyobozi wa Airtel Africa, Segun Ogunsanya uri mu Rwanda ndetse n‘Umuyobozi wa Airtel Rwanda, Emmanuel Hamez. Muri iki kiganiro bombi bahurije ku kuba iyi paki bayizanye mu buryo bwo kudabagiza abanyarwanda.

Segun Ogunsanya yabanje kuvuga ko yishimiye kuba ari mu Rwanda ku nshuro ye ya mbere kuva yagirwa umuyobozi wa Airtel ku rwego rwa Afurika.

Ati “Nishimiye kuba ndi mu Rwanda ku nshuro yanjye ya mbere nk’Umuyobozi wa Airtel Africa. U Rwanda ni isoko rikomeye kuri Airtel Afurika kandi ndashaka kwereka itsinda rya Airtel Rwanda uko ryakomeza guha agaciro gakwiye abakoresha itumanaho ry’u Rwanda.”

Yakomeje avuga ko atewe ishema no gutangiza ku mugaragaro ipaki nshya ya Airtel yiswe ‘Ubuntu’.

Ati “Uyu munsi, ntewe ishema no gutangiza ku mugaragaro ubukangurambaga bushya, ‘Ubuntu’ twabonye bworoshya serivisi zo guhamagara, internet hamwe no kohereza ubutumwa bugufi. Ni ipaki izafasha abakiliya ba Airtel Rwanda.”

Umuyobozi wa Airtel Rwanda, Emmanuel Hamez, yavuze ko yishimiye ko umuyobozi w’iki kigo yaje mu Rwanda bigahurirana n’uko bari kumurika ipaki nshya. Yakomeje nawe avuga ko abanyarwanda bahishiwe na Airtel byinshi.

Ubuntu pack ishobora kugurwa umuntu akanze *255# anyuze muri application ya My Airtel na Airtel Money. Guhera kuri 200 Frw umuntu ashobora kubona iminota 100 yo guhamagara n’ubutumwa bugufi 100 ku munsi umwe. Iyi iboneka ku munsi umwe.

Ipaki y’icyumweru ya 1500 Frw ya 1, 5 GB hiyongeraho iminota 100 n’ubutumwa bugufi 100 bwa buri munsi. Ipaki y’ukwezi ya Ubuntu igura 15.000 Frw, iba ifite 30 GB nayo iba iherekejwe no guhamagara no kohereza ubutumwa bugufi bidahagarara kandi bikorwa ku mirongo yose.

Umuyobozi wa Airtel Rwanda, Emmanuel Hamez, yatangaje ko Sosiyete ayobora iteganyiriza ibyiza byinshi abakiliya bayo
Umuyobozi wa Airtel Africa, Segun Ogunsanya uri mu Rwanda yavuze ko iyi sosiyete igiye kuzana izindi serivisi nyinshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .