Ni nyuma y’urugendo rurerure rwamaze imyaka ibiri, inkiko zifata imyanzuro itandukanye igamije kwitambika iyo gahunda kugeza ubwo Inteko Ishinga Amategeko y’u Bwongereza yakuragaho inzititizi zose mu mpera za Mata 2024.

Mu mutima w’icyateraga impaka ni ukumenya niba u Rwanda rutekanye, niba koko gahunda izafasha u Bwongereza gukumira abimukira mu gihe mu Rwanda ho impaka nyinshi zari ukwibaza niba igihugu gifite ubushobozi bwo kwakira abo bantu n’ibindi.

Kurikira ikiganiro Indiba y’Ibivugwa usobanukirwe mu mizi iby’iyi gahunda, icyo u Rwanda ruzungukiramo, imbogamizi zishobora kugaragara n’ibindi.