Ako gahenge kaje mu gihe hari hashize iminsi havugwa ibiganiro byahuje intumwa za M23 n’iza Congo i Kampala, icyakora Leta ya Kinshasa ikaza kubyigarama ndetse na bamwe mu bari babitumwemo basubira i Kinshasa bagatabwa muri yombi.

Nubwo Congo yabihakanye, amakuru ava muri Guverinoma ya Uganda yo yemeza ko ibiganiro byabaye kandi Leta ya Kinshasa yari ibizi.

Mu kiganiro na IGIHE, Adeline Umutoni, Umunyamakuru ukurikirana ibibera muri RDC, yagarutse ku cyatumye Kinshasa yigarama ibyo biganiro, uko M23 izabyitwaramo n’amahirwe asigaye ngo ibibazo bya Congo bibonerwe umuti urambye.