00:00:00 IGIHE NETWORK KN KINYARWANDA EN ENGLISH FR FRANCAIS

FPR -Inkotanyi yasinyanye amasezerano y’ubufatanye n’ishyaka riri ku butegetsi mu Burusiya

Yanditswe na Akayezu Jean de Dieu
Kuya 22 Mata 2021 saa 05:08
Yasuwe :
0 0

Umunyamabanga Mukuru w’Umuryango FPR Inkotanyi, Ngarambe François yashyize umukono ku masezerano y’Ubufatanye n’imikoranire n’Ishyaka ry’Ubumwe bw’Abarusiya [United Russia] riri ku butegetsi mu Burusiya.

Aya masezerano yasinywe kuri uyu wa Kane tariki 22 Mata 2021, hagati ya FPR Inkotanyi yari ihagarariwe na Ngarambe François ndetse n’Ishyaka United Russia ryari rihagarariwe na Andrey Klimov, Umunyamabanga Wungirije w’Inama Nkuru yaryo.

FPR Inkotanyi yatangaje kuri Twitter ko aya masezerano ashingiye ku mikoranire n’ubufatanye mu kubaka amashyaka yombi, guteza imbere abagore n’urubyiruko, iterambere ry’ubukungu n’izindi nzego zinyuranye.

Ubufatanye bw’amashyaka yombi bwemeranyijwe mu Nama Mpuzamahanga iherutse gutegurwa n’ishyaka rya United Russia ikaba yaritabirwe n’Amashyaka ari ku butegetsi mu bihugu bitandukanye bya Afurika.

Umunyamabanga Mukuru wa FPR Inkotanyi, Ngarambe François yavuze ko aya masezerano ari amahirwe ku kwagura ubufatanye hagati y’amashyaka yombi kandi abaturage b’ibihugu byombi bazabyungukiramo.

Yagize ati “Muri ayo masezerano, impande zombi ziyemeje guteza imbere ubufatanye binyuze mu kugirana inama, guhanahana amakuru n’intumwa zihagarariye impande zombi.

Ngarambe yavuze ko impande zombi kandi zemeranyije guteza imbere ubufatanye mu bya dipolomasi mu bijyanye n’Inteko Ishinga Amategeko no gushyiraho urubuga rw’ibiganiro bihuza urubyiruko n’abagore bo mu mashyaka yombi.

Aya masezerano ashingiye ku mikoranire n’ubufatanye mu kubaka amashyaka yombi, guteza imbere abagore n’urubyiruko
Aya masezerano yasinywe hifashishijwe ikoranabuhanga
Ngarambe François ubwo yashyiraga umukono kuri aya masezerano y'ubufatanye hagati ya FPR Inkotanyi na United Russia
Ngarambe François yavuze ko amasezerano FPR Inkotanyi yasinyanye n'ishyaka rya United Russia azafasha mu kubaka ubufatanye n'imikoranire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .