Indirimbo ‘Ni Wowe Rutare Rwanjye’ yamamaye cyane muri Kiliziya Gatolika yasubiwemo mu buryo bugezweho

Yanditswe na Uwiduhaye Theos
Kuya 15 Ugushyingo 2020 saa 01:40
Yasuwe :
0 0

Itsinda ryihurije hamwe ririmo abaririmbyi bakomeye mu makorali ya Kiliziya Gatolika ryitwa ‘Catholic All Stars’ ryasubiyemo indirimbo ‘Ni wowe rutare rwanjye’ yamamaye cyane.

Catholic All Stars ni itsinda ry’abaririmbyi n’abacuranzi bo muri Kiliziya Gatolika bihaye intego yo kujya basubiramo indirimbo zakunzwe kuva kera, bakaziririmba banazicuranga ku buryo gugezweho.

Iri tsinda ryavutse muri Gashyantare uyu mwaka, rimaze gukora indirimbo eshatu zirimo ‘Mana idukunda byahebuje’, ‘Twaje Mana yacu’ na ‘Ni wowe Rutare rwange’.

Iyi ndirimbo ‘Ni wowe Rutare Rwanjye’ yahimbwe na Padiri Fabien Hagenimana ku wa 10 Gashyantare 1995. Nawe agaragara mu mashusho yayo.

Umuyobozi w’Itsinda rya ‘Catholic All stars’, Emmy Pro, yavuze ko bafite imishinga yindi myinshi ijyanye no gusubiramo indirimbo zitandukanye zakunzwe cyane muri Kiliziya Gatolika.

Ati “Dufite imishinga yo gusubiramo n’izindi ndirimbo. Dushaka kujya dususurutsa abantu mu birori bitandukanye. Twifuza ko kandi abantu bazajya bacuranga indirimbo ya The Ben yavamo hakajyamo n’iyacu, abantu bagakomeza kwishima nk’uko byari bimeze mbere. Dushaka kuzana impinduka abantu bakumva indirimbo za Kiliziya zikozwe mu buryo bugezweho.”

Amajwi y’iyi ndirimbo yatunganyijwe na Emmy Pro, amashusho yatunganyijwe na Aime Pride bakorana muri Universal Record.

Iyi ndirimbo yumvikanamo abaririmbyi bo mu makorali atandukanye nka Choeur International, Chorale Christus Regnat, Chorale de Kigali, Chorale St Paul Kicukiro, Chorale la Fraternité, Chorale Le Bon Berger, The Bright Five Singers, Chorale Harmonic Voices na Inyange za Mariya.

Indirimbo ‘Ni Wowe Rutare Rwanjye’ yamamaye cyane muri Kiliziya Gatolika yasubiwemo mu buryo bugezweho
Iri tsinda rishya ryihurije hamwe rifata izina rya Catholic All Stars
Aba baririmbyi babarizwa mu makorali atandukanye akomeye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .