00:00:00 IGIHE NETWORK KN KINYARWANDA EN ENGLISH FR FRANCAIS

Couple ya Fabrice & Maya igezweho mu muziki yasohoye indirimbo igaragaza ko Imana idahindurwa n’ibihe

Yanditswe na Uwiduhaye Theos
Kuya 3 Mutarama 2021 saa 12:28
Yasuwe :
0 0

Fabrice Nzeyimana n’umugore we Maya Nzeyimana bagezweho mu muziki wo kuramya Imana basohoye indirimbo igaragaza ko Imana ihora ari Imana idahindurwa n’ibihe uko byaba bimeze kose.

Aba bahanzi b’abahanga bazwi cyane mu muziki wo mu rusengero nk’imwe muri couple z’abanyempano mu Rwanda.

Muri iyi ndirimbo bise ‘Ndaguhimbaza’ hari aho baririmba bati “Uri itangiriro n’iherezo, wowe waremye byose tuguhaye ishimwe. Yehova izina rihambaye reka ishimwe ryawe rikwire hose. Ndaguhimbaza uri Imana nkuru, ntawe uhwanye nawe mu isi yose[…]”.

Fabrice Nzeyimana yabwiye IGIHE ko gukora iyi ndirimbo byaturutse ku kuba barashakaga kwereka abantu ko Imana ihora ari Imana igihe cyose, yaba mu bibi cyangwa mu byiza.

Ati “Ni indirimbo yo gusenga, ni indirimbo umuntu aririmba iyo asobanukiwe ko haba mu bibazo haba mu bisubizo Imana iguma yitwa Imana. Iguma ari Alfa[itangiriro] na Omega[iherezo], Imana ntihindurwa n’ibihe nk’uko tumaze iminsi tubiririmba.”

Yakomeje ati “Iyi ndirimbo siyo kubwira Imana ibibazo dufite, ni indirimbo yo kuvuga icyo Imana iri, ni indirimbo y’ahera h’ahera. Aho umuntu agera akabona Imana akayihimbaza kuko yayibonye atari amakuru yahawe.”

Fabrice Nzeyimana n’umugore we Maya Nzeyimana bazwi cyane mu ndirimbo nka ‘Muremyi w’Isi’. Ni abakirisitu kuri CLA (Christian Life Assembly) i Nyarutarama ndetse Fabrice ni n’umucuranzi ukomeye muri iri torero. Bavuka mu Burundi ariko bakaba bakorera umuziki wabo mu Rwanda.

Bakunze gutegura umugoroba wo kuramya ubanziriza inama y’iminsi itatu yiswe ‘Over Flow Africa Conference’ itegurwa n’itsinda rikorera mu bihugu birimo Kenya, Uganda, u Burundi n’u Rwanda Heavenly Melodies Africa (aha habarizwamo Fabrice na Maya) igamije guhuriza hamwe abaramyi batandukanye mu kurushaho kwimakaza ubwami bwo guhimbaza butajegajega. Iki gikorwa uyu mwaka cyabereye kuri internet.

Couple ya Fabrice na Maya ni imwe mu zikunzwe mu bihangano byo guhimbaza Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .