Umuvugabutumwa Reinhard Bonnke yitabye Imana

Yanditswe na Uwiduhaye Theos
Kuya 8 Ukuboza 2019 saa 01:59
Yasuwe :
0 0

Reinhard Bonnke wamamaye mu murimo w’ivugabutumwa, akaba yaranashinze umuryango w’ivugabutumwa witwa Christ for all Nations (CfaN) yitabye Imana.

Ku rukuta rwe rwa Facebook niho umugore we yacishije ubutumwa bugaragaza ko bafite intimba batewe no kuba yitabye Imana.

Mu butumwa bagize bati “N’agahinda kenshi umuryango wa Bonnke urifuza kubamenyesha urupfu rw’umugabo wacu twakundaga, data akaba na sogokuru; umuvugabutumwa Reinhard Bonnke. Yatabarutse mu mahoro akikijwe n’umuryango we kuri uyu wa 7 Ukuboza 2019.”

“Mu myaka 60 yashize yabwirije inkuru nziza y’agakiza gatangwa na Yesu Kirisito ku Isi yose. Dushaka gushimira mu izina rye n’iry’umuryango ku bw’urukundo mwamweretse no kuba mutarahwemye kumushyigikira[…]”

Bonnke yitabye Imana nyuma yaho yari amaze igihe afite ikibazo cy’igufa ryo mu kuguru, ndetse yarabazwe ku buryo atabashaga gutambuka.

Reinhard Bonnke yavutse ku wa 19 Mata 1940 i Konogsberg mu Budage. Yakijijwe afite imyaka icyenda, aza kwiga amashurii ya Bibiliya muri ishuri The Bible College of Wales mu Mujyi wa Swansea. Yasoje amashuri aba umuvugabutumwa mu Budage imyaka irindwi nyuma y’aho aza gukomereza umuhamagaro we muri Afurika.

Mu 1967 yagiye muri Lesotho agenda agira ibiterane byinshi by’ivugabutumwa ku Isi yose byahinduriwe ubuzima benshi bakava mu byaha. BBC yatangaje ko nibura abantu miliyoni 79 bakiriye agakiza bimuturutseho.

Bonnke yitabye Imana nyuma yaho yari amaze igihe afite ikibazo cy’igufa ryo mu kuguru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza