Umuhanzi Niyorick yashyize hanze indirimbo yo guhamya ko yamaramaje mu gakiza

Yanditswe na Uwiduhaye Theos
Kuya 29 Mata 2021 saa 06:45
Yasuwe :
0 0

Niyonsenga Eric wamenyekanye nka Niyorick ndetse agakora indirimbo zisanzwe akaza kwinjira mu zo guhimbaza Imana yashyize hanze indirimbo ya gatatu y’ivugabutumwaa yatangiye yise ‘Hura nanjye’.

Yabwiye IGIHE ko ari indirimbo igamije gufasha abazayumva kwitabaza Imana kuko ariyo buhungiro.

Ati “Ni indirimbo mba mvuga ko ntabasha gusubira mu buto bwanjye kandi sinabasha kumenya icyo ahazaza hazazana. Rero aho turi hano niho hagati twagenewe kuba ariko Imana idahari simpagije! Rero mwami hura nanjye. Hura nanjye igitekerezo cyaje ubwo nari nicaye ntekereza ukuntu Imana nyisenga ikanyumva ikansubiza, numva ndyohewe n’ibi bintu.”

Yavuze ko iyi ndirimbo yerekanye ishusho ya nyayo ye kuko akora indirimbo ye ya mbere yo kuramya Imana abantu bumvaga ko atakijijwe bya nyabyo.

Ati “Nkora indirimbo ya mbere yo kuramya Imana abantu bakumva ngo Niyorick yarahindutse, bamwe babanje kutabyemera bavuga bati ni bimwe by’abahanzi baba bashaka kuvugwa, ariko ubu bamaze kubyemera.”

Mu minsi ishize yavuze ko kugira ngo akizwe byaturutse ku mutima wahoraga ubimuhatira, kuko kenshi yajyaga gusenga yavayo akumva akeye mu mutima kurusha uko yagiyeyo ameze.

Niyorick yakijijwe mu mpera za 2019, abari bwo afata umwanzuro kuko yari asanzwe asenga yitabira amateraniro ariko yiyumva nk’umushyitsi.

Avuga ko ikintu gikomeye yicuza mu myaka yose yamaze atarakizwa, ari igihe yataye ari iruhande rw’ubuzima bwuzuye umunezero usesuye kandi usendereye.

Yifuriza abahanzi bagenzi be bose gukizwa kuko harimo umunyenga utangaje ariko avuga ko abo yifuza cyane ko Imana yabasanga ari abarimo Meddy.

Ati “Abahanzi bose mbifurizwa gukizwa ariko bibaye ngombwa bikagenda ku murongo nahera kuri Bruce melody, Meddy na The Ben. Kubera ko atari bo babikeneye cyane ahubwo kuko aribo basa n’abakurikirwa cyane muri iki gihe( bakunzwe) byatuma n’ababakunze benshi babakurikira muri iyo nzira nziza baba bafashe.”

Uyu muhanzi watangiye umuziki afashwa na Producer Lick Lick mu 2015 yaje gukizwa ndetse anabatizwa muri Zion Temple, anahita yinjira mu muziki wo kuramya no guhimbaza Imana.

Ubu yashinze sosiyete yitwa Mahwi Entertainment ikubiyemo inzu itunganya umuziki w’amajwi n’amashusho, amafilime ndetse n’ibijyanye n’amafoto. Niyo akoreramo ibikorwa bye bya muzika.

Indirimbo Niyorick yakozwe zigakundwa mbere yo kwakira agakiza

Niyorick yamenyekanye mu ndirimbo zisanzwe nyuma aza gufata umwanzuro wo kuririmbira Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .