Papa Francis yasabye imbabazi kubwo kwiyama umugore washakaga kumusuhuza

Yanditswe na Ferdinand Maniraguha
Kuya 2 Mutarama 2020 saa 11:02
Yasuwe :
0 0

Umushumba wa Kiliziya Gatolika ku Isi, Papa Francis yasabye imbabazi kubwo gukankamira no gukubita umugore washakaga kumusuhuza mu ijoro ribanziriza Ubunani.

Mu ijambo ryifuriza abatuye isi umwaka mushya, Papa Francis yavuze ko ibyo yakoze byagaragaje kutihangana.

Mu ijoro ryo kuwa Kabiri rishyira kuwa Gatatu, Papa yagiye mu rubuga rwitiriwe Mutagatifu Petero i Roma gusuhuza abari mu rugendo rw’iyobokama muri uwo mujyi mbere gato y’uko umwaka wa 2019 urangira.

Ubwo yagendaga asuhuza abantu bari ku mirongo bamutegereje, yaje kunyuza akaboko hejuru y’umwe mu bagore bari bari aho asuhuza umwana.

Agaruye akaboko, Papa wasaga n’ushaka gukomeza kwigendera yakuruwe ukoboka n’uwo mugore ashaka kumusuhuza ku ngufu.

Amashusho yafashwe agaragaza Papa ari gukoresha imbaraga ngo yiyake uwo mugore , ndetse amera nk’umukubita intoki ngo amurekure akanamukankamira (amubwira nabi).

Kuri uyu wa Gatatu Papa Francis yabisabiye imbabazi, ati “akenshi tubura ukwihangana. Nanjye byambayeho. Ndasaba imbabazi kubw’urugero rubi.”

Amashusho yakwirakwijwe y’ibyakozwe na Papa ntiyavuzweho rumwe, bamwe bavuga ko atari imyitwarire ikwiriye Papa mu ruhame abandi bavuga ko uwo mugore ashobora kuba yaramubabaje bitewe n’uburyo yamukuruye akaboko.

Papa yagaragaye nk'ububabaye ubwo yakururwaga n'umugore w'umukristu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .