Ifoto ku munsi w’ifunguro ryera mu rusengero rwa Prophet Sultan

Yanditswe na IGIHE
Kuya 29 Werurwe 2019 saa 08:09
Yasuwe :
0 0

Yesu atanga ifunguro ryera! Ni umutwe w’amagambo yo muri Matayo 26:26-28 hagira hati “Bakirya Yesu yenda umutsima arawushimira, arawumanyagura, awuha abigishwa be arababwira ati ‘Nimwende murye, uyu ni umubiri wanjye’. Yenda igikombe aragishimira, arakibaha, arababwira ati ‘Munywere kuri iki mwese, kuko aya ari amaraso yanjye y’isezerano rishya, ava ku bwa benshi ngo bababarirwe ibyaha’.’’

Aya magambo Yesu yabwiye abigishwa be mbere yo kubavanwaho asubiye mu Ijuru iburyo bwa Se, yari isezerano ryahererekanyijwe kuva mu binyejana 20 bishize aho abemera Yesu Kirisitu nk’Umwami n’Umukiza wabo bahurira ku meza bagasangira umubiri n’amaraso bibuka urupfu rw’agashinyaguro yabitangiye.

Amadini menshi ku Isi yose agira uyu muhango ufatwa nk’uwera. Aya ni amwe mu mafoto yafatiwe mu rusengero rwa Zeal of The Gospel Church (ZOG) rubarizwa Cosmos i Nyamirambo agaragaza abakirisitu bafata igaburo ryera.

Yafashwe ku wa 23 Gashyantare 2019, ubwo basozaga amasengesho y’iminsi 40 yo kwiyiriza ubusa muri iri torero riyoborwa na Prophet Eric Sultan.

Mu magambo uyu muhanuzi yanyujije ku rukuta rwe rwa Instagram buherekeza aya mafoto yavuze ko “Ndashimira buri wese wahagararanye nanjye mu minsi 40 y’amasengesho. Ubuntu bw’Imana bube ku buzima bwanyu mu izina rya Yesu Kirisitu.’’

Mu nyigisho ze Sultan ashimangira ko Yesu yatanze imbabazi z’ibyaha byose by’ahashize, ubu n’ahazaza ariko akavuga ko bidatanga uburenganzira bwo kubikora nubwo ukiguyemo, nta mpamvu yo gusaba Imana imbabazi.

Ku munsi w’igaburo nta muntu uhezwa kuva ku bana b’impinja, ibitambambuga kugeza ku basaza n’abakecuru. Hari n’abahabwa iryo bajyana mu ngo bakariha abo basize kuko bizera ko mu maraso y’Umucunguzi harimo imbaraga zishobora byose.

Prophet Sultan ni we watangije bwa mbere igikorwa cyahawe inyito yo “kumenya icyo Imana ivuga ku buzima bwawe no gukira indwara” akishyuza ubuhanuzi.

Kuva mu Ugushyingo 2016, yahanuriraga abashyitsi batanze 20 000 Frw; abasangwa bagacibwa 10 000 Frw.

Sultan uvuga ko aricyo Imana yamushyiriyeho, ngo hari abakirisitu yatuyeho gukira indwara zirimo SIDA, ibibyimba byo mu nda na kanseri. Hari abatanze ubuhamya ko bakize, banitwaza inyandiko zo kwa muganga zibishimangira.

Bari mu mwuka umwe wo kuzamurira Imana amashimwe ku mirimo yakoze ku buzima bwabo
Igaburo ryera ni igikorwa gifatwa nk'icy'ingenzi mu myemerere y'amatorero ya Gikirisitu ku Isi
Igaburo ryera ni isezerano Yesu yasigiye abigishwa be nk'urwibutso rw'amaraso ye yamenwe ngo benshi babone ubugingo buhoraho
Ntibisanzwe! Ahandi igaburo ryera rihabwa uwabatijwe ariko muri ZOG buri wese uhateranira yemerewe kurifata
Prophet Sultan Eric washinze akaba anayobora Itorero Zeal of the Gospel Church

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza