Gusengera i Kanyarira byahagaritswe kubera impungenge zirimo gufatirwayo ku ngufu

Yanditswe na Emma-Marie Umurerwa
Kuya 8 Ukuboza 2018 saa 03:30
Yasuwe :
0 0

Ubuyobozi bw’Akarere ka Ruhango bwafashe icyemezo cyo kubuza abantu kongera gusengera ku musozi wa Kanyarira n’ahandi hatandukanye, kubera impamvu z’umutekano muke no kuba bikekwa ko hari abakobwa bafatirwayo ku ngufu.

Mu Karere ka Ruhango, gusengera ku misozi no mu mashyamba nka Kanyarira, Nyabyugi, Kayenzi, Gisanga n’ahandi cyangwa gusengera mu ngo z’abaturage ku buryo buhoraho, ntibyemewe.

Ibi bikubiye mu itangazo ryashyizweho umukono n’umuyobozi w’Akarere ka Ruhango, Habarurema Valence, tariki ya 7 Ukuboza 2018.

Aganira na IGIHE, Habarurema yagize ati “Icyemezo twagifashe kubera impamvu z’umutekano […] mu murenge wa Bweramana hari aho bagiye gusengera hanyuma umukobwa umwe mu bari bagiye gusenga baramwiba bivugwa ko banamufashe ku ngufu, ahandi ni ku musozi wa Kanyarira hakunda kuba ikibazo cy’ubujura no gufata ku ngufu.”

Uyu muyobozi yakomeje avuga ko uretse ikibazo cy’ubujura no gufata abagore n’abakobwa ku ngufu, mu bihe bya vuba nta wabuze ubuzima yagiye gusengera muri ibyo bice.

Uyu muyobozi yamenyesheje abayobozi b’amadini n’amatorero kubwira abayoboke babo ko ahemewe gusengerwa ari muri za Kiliziya, insengero n’imisigiti byujuje ibisabwa n’amategeko.

Ubuyobozi bw’ako karere buvuga ko uzafatwa yarenze kuri ayo mabwiriza azahanwa nk’uwigometse ku mabwiriza y’ubuyobozi.

Ku musozi wa Kanyarira hari urutare abakirisitu bajya gusengeramo
Abakirisitu bakunda kujya gusengera i Kanyarira amanywa n'ijoro
Mu Karere ka Gicumbi naho hari ahantu hasengerwa n'abaturutse imihanda yose

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza