Chorale Christus Regnat yasubiyemo indirimbo ‘Kuzwa Iteka’ yamamaye muri Kiliziya Gatolika

Yanditswe na Uwiduhaye Theos
Kuya 13 Werurwe 2020 saa 01:53
Yasuwe :
0 0

Korali Christus Regnat ikorera ivugabutumwa muri Kiliziya Gatolika, Paruwasi ya Regina Pacis, iherereye i Remera mu Mujyi wa Kigali, yasubiyemo indirimbo “Kuzwa Iteka”, indirimbo izwi cyane muri Kiliziya Gatolika.

Indirimbo yakorewe muri The Sound Studio ya Producer Bob mu buryo bw’amajwi n’aho amashusho akorwa na Papa Emile Pro.

Kuzwa iteka si indirimbo nshya mu matwi y’abantu benshi, kuko ari indirimbo ya kera. Abakirisitu Gatolika bayizi cyane mu masengesho menshi anyuranye nko mu Gusingiza Imana, Gushengerera ndetse no mu Misa mu gihe cyo gushimira.

Chorale Christus Regnat yahisemo gusubiramo (Remix) iyi ndirimbo kugira ngo ikomeze gufasha Abakrisitu gusingiza Imana yo ikwiye guharirwa ikuzo n’ibisingizo.

Bizimana Jérémie usanzwe ari umuhimbyi, umwarimu w’indirimbo ndetse akanamamaza ibikorwa by’iyi korali yabwiye IGIHE ko kuri bo iyi ndirimbo ari nziza ku buryo yari ikenewe gukorwa neza kugira ngo ikomeze gufasha abantu kwegera Imana.

Yanavuze ko bafite umushinga mugari wo gukora indirimbo nyinshi mu buryo bw’amajwi n’amashusho nk’uko abakunzi babo bahoraga babibasaba.

Chorale Christus Regnat ni Chorale ibarizwa muri Kiriziya Gatolika muri Paruwasi yitiriwe Umwamikazi w’Amahoro (Regina Pacis) i Remera, Arikidiyosezi ya Kigali.

Tariki ya 12 Gashyantare 2020 nibwo Chorale Christus Regnat bashyize hanze indirimbo “Mama Shenge” yagaragayemo Yverry Rugamba na Andy Bumuntu, abahanzi bagezweho muri iyi minsi. Iyo ndirimbo “Mama Shenge” yishimiwe ku rwego rwo hejuru n’abatari bake nk’uko bigaragara kuri Youtube Channel yabo, aho imaze kurebwa n’abarenga ibihumbi Magana abiri na makumyabiri mu minsi 29.

Korali Christus Regnat yashinzwe mu 2006, ivukira kuri Centre Christus i Remera mu Mujyi wa Kigali. Kuva mu 2008, ibarizwa kuri Paruwasi Regina Pacis i Remera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .