Chorale Christus Regnat yahimbiye indirimbo Cardinal Antoine Kambanda

Yanditswe na Uwiduhaye Theos
Kuya 13 Ukuboza 2020 saa 12:30
Yasuwe :
0 0

Chorale Christus Regnat yasohoye indirimbo yahimbiye Arkiyepisikopi wa Kigali akaba n’umushumba wa Diyosezi ya Kibungo Musenyer i Antoine Kambanda uherutse kugirwa Cardinal wa mbere mu mateka y’u Rwanda.

Ku Cyumweru gishize tariki 06 Ukuboza 2020, habaye Misa y’umuganura ya Cardinal Antoine Kambanda, yabereye muri Kigali Arena, hagamijwe gushimira Imana ku ntambwe ikomeje gufasha Kiliziya Gatolika mu Rwanda gutera.

Ubu, Chorale Christus Regnat isanzwe imenyerewe mu ndirimbo zihimbaza Imana yakoze mu nganzo maze imwifuriza ishya n’ihirwe mu ndirimbo bise “Intambwe Y’intore”

Umwe mu bahanzi bakomeye ba Chorale Christus Regnat Bahati Wellars yagiye mu nganzo akora indirimbo yise “Intambwe y’Intore Ruhamyantego” yunganirwa n’urwunge rw’amajwi y’abaririmbyi ba Chorale Christus Regnat.

Iyi ndirimbo yatunganyirijwe muri Studio ya Universal Record na Emmy Pro naho Aime Pride atunganya amashusho.

Iyi ndirimbo igaruka ku buzima bwa Antoine Kardinali Kambanda kuva mu bwana, uko yahawe Ubupadiri na Papa Yohani Pawulo wa II ubwo yasuraga u Rwanda mu 1990, i Mbare ya Kabgayi, uko yashinzwe imirimo itandukanye nyuma yo kuba Padiri kandi akayitwaramo neza kugeza ubwo muri Gicurasi 2013 yatorewe kuba umushumba wa Diyosezi ya Kibungo.

Mu Ugushyingo 2018 nibwo Papa Francis yamugize Arkiyepiskopi wa Kigali asimbuye Musenyeri Thadée Ntihinyurwa wagiye mu kiruhuko cy’izabukuru.

Tariki ya 25 Ukwakira 2020 inkuru yasakaye hose ko Arkiyepiskopi wa Kigali Antoine Kambanda yagizwe Kardinali bwa mbere mu mateka ya Kiriziya Gatolika mu Rwanda, maze ku wa 28 Ugushyingo yambikwa iryo Kamba hamwe n’abandi 13 baturutse mu bihugu bitandukanye byo ku isi, mu birori byabereye i Roma biyobowe na Papa Francis.

Chorale Christus Regnat niyo yaririmbye nu Misa yabereye muri Kigali Arena hagamijwe gushimira Imana ku ntambwe ikomeje gufasha Kiliziya Gatolika mu Rwanda gutera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .