Kanyombya, Clapton Kibonge n’abandi biteguye gusetsa abazasohokera muri The Mirror Hotel ku wa Gatanu

Yanditswe na Uwiduhaye Theos
Kuya 5 Ukuboza 2019 saa 09:23
Yasuwe :
0 0

Abanyarwenya barimo Ndimbati, Joshua, Kibonge Clapton na Kanyombwa bagiye guhurira mu gitaramo cy’urwenya kizabera muri The Mirror Hotel.

Ni igitaramo giteganyijwe ku wa 6 Ukuboza 2019 muri iyi Hotel iri mu zikomeye mu Rwanda cyateguwe na Best of Rwanda and Marketing[BRM] ireberera inyungu abo bahanzi ndetse ku bufatanye na The Mirror Hotel.

Ushinzwe kumenyekanisha ibikorwa bya The Mirror Hotel, Nkurikiyinka Bosco yabwiye IGIHE ko batekereje gukora iki gikorwa kubera ko bahora bashaka gukora udushya dutuma ababagana bishima.

Ati “Muri The Mirror Hotel duhorana udushya, tuba dushaka ko abakiliya bacu bahora banezerewe. Aba banyarwenya bagiye gutembagaza abantu twabahisemo kubera ko ari abanyarwenya bakomeye mu Rwanda.”

Kuri uyu munsi inzoga zizaba zashyizwe ku giciro cyo hasi aho indobo ya Heinken izaba iri kugura ibihumbi bitandatu by’amanyarwanda mu gihe ubundi igura 10 000 Frw. Abazitabira iki gitaramo bazagabanyirizwa no ku bindi binyobwa.

The Mirror Hotel ni imwe muri hoteli zikomeye muri Kigali iri ku rwego rw’inyenyeri enye, iherereye i Remera muri metero 20 uvuye kuri rond-point yo ku Gisimenti, ku muhanda ujya i Remera mu Giporoso.

The Mirror Hotel yateguye igitaramo cy'urwenya kizitabirwa n'ibyamamare bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .