Uko waha amahirwe Filime ishingiye ku gitabo cya Scholastique Mukasonga iri guhatana mu iserukiramuco rikomeye ku Isi

Yanditswe na Uwiduhaye Theos
Kuya 10 Nzeri 2019 saa 09:05
Yasuwe :
0 0

Filime ishingiye ku gitabo cya Scholastique Mukasonga yitwa ‘Our Lady of the Nile’ iherutse kwerekanwa muri ’Toronto International Film Festival’ iri guhatana muri iri serukiramuco mu cyiciro cya Best World Contemporary Cinema film.

‘Our Lady of the Nile’ ni filime yakozwe hagendewe ku gitabo cya Mukasonga yasohoye mu 2012 kivuga ku ivanguramoko ryaje kubyara Jenoside yakorewe Abatutsi mu 1994.

Iyo filime y’uwitwa Atiq Rahimi iherutse kwerekanwa mu iserukiramuco rya filime rikomeye rya Toronto International Film Festival muri Canada ryatangiye guhera tariki 5 Nzeri uyu mwaka ndetse iri no mu ziri guhatanira igihembo cya ‘The Grolsh people’s choice’ mu cyiciro cya Best World Contemporary Cinema film.

Mukasonga ni umwanditsi wavukiye mu Rwanda, igitabo cye “Notre-Dame, du Nil” ntabwo kivuga cyane kuri Jenoside yakorewe Abatutsi mu 1994, ahubwo kigaruka ku ivangura, ubukoloni n’ubushyamirane bushingiye ku bukungu nk’ibyazanye umwuka mubi w’urwango no kutarebana neza mu banyarwanda bigaha icyuho Jenoside yakorewe Abatutsi mu 1994.

Akoresheje urugero rw’ishuri gatolika ry’abakobwa “Notre-Dame du Nil”, asobanura neza uburyo imbuto z’urwango rw’amoko zatewe, zikuhirirwa kugeza ubwo zemerewe no kubyara imbuto.

Filime ishingiye kuri iki gitabo yiswe ’Our Lady of the Nile’ igaragaza amagorwa ashingiye ku moko n’uburyo yaje kubyara amateka mabi ya Jenoside yakorewe Abatutsi mu 1994 igahitana abarenga Miliyoni mu gihe cy’amezi atatu gusa.

Atiq Rahimi ukomoka muri Afghanistan niwe wayoboye iyi filime, yerekana ishuri Notre-Dame du Nil ryo mu 1973, abanyeshuri b’abakobwa bambaye impuzankano, abenshi bakomoka mu miryango ikize y’Abahutu. Ishuri ryemera gusa 10% b’Abatutsi kuba baza kwigamo.

Imwe mu mirimo y’abanyeshuri ya buri munsi harimo guhinga imboga, gutunganya no kubika neza impapuro ndetse no guhanagura ishusho ya Bikira Mariya.

Guha amahirwe iyi filime ya Mukasonga wanyura aha

Iyi filime yakomotse ku gitabo cy'Umunyarwandakazi Mukasonga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza