StarTimes igiye gutangira gutambutsa filime y’uruhererekane yitwa ‘L’Amour illimité’ yakunzwe cyane

Yanditswe na Uwiduhaye Theos
Kuya 30 Ukwakira 2020 saa 10:37
Yasuwe :
0 0

Abakunzi ba filime z’Abahinde z’urukundo by’umwihariko z’uruhererekane, Star Times yabashyize igorora kuko hari filime nshya igiye gutangira gutambutswaho yiswe ‘L’Amour illimité’ cyangwa se ‘urukundo rutagira umupaka’ mu rurimi rw’Ikinyarwanda.

‘L’Amour illimité’ ivuga ku nkuru ya Maya Mehrotra, wari umuyobozi w’ikinyamakuru cy’ibijyanye n’imideli, wakundanye n’umusore witwa Arjun Sharma wafotoreraga iki kinyamakuru cye.

Gusa, Maya Mehrotra aba ari umukobwa ufite ikibazo mu bijyanye n’imitekerereze yatewe na se witwa Ashwin Mehrotra wamufataga mu buryo budakwiriye akiri muto.

Arjun Sharma aba afite umukobwa w’inshuti ye yo mu bwana w’umunyamategeko witwa Saanjh Mathur. Uyu mukobwa aba amukunda ariko undi we akamufata nk’inshuti magara.

Maya atangira kwiyumvamo Arjun nyuma yo kumurokora impanuka ya ascenseur. Atangira kumukunda ndetse akanamusaba ko yazamubera umufasha.

Urukundo rwa Maya na Arjun rugeraho batekereza kurushinga nyuma yo kumutandukanya n’uyu mukobwa wamwiyumvagamo. Gusa se wa Maya ashaka kwivanga muri ubu bukwe, ashaka kubwica ari naho Maya afata umwanzuro wo kwica se; ubukwe bugataha.

Iyi filime yuzuyemo byinshi biteye amatsiko, hari aho igera Maya agafungwa ndetse akanatandukana n’umugabo we. Filime irangira Maya apfuye.

‘L’Amour illimité’ cyangwa se ‘Beyhadh’ ni filime yakunzwe cyane mu Buhinde ndetse no ku rwego mpuzamahanga. Abakinnyi barimo b’imena batatu Jennifer Winget, Kushal Tandon na Rajesh Khattar baherutse kwegukana ibihembo muri SOL Lion Awards.

Iyi filime izatangira kunyuzwa kuri ST Novela F Plus, guhera ku wa Mbere tariki 2 Ugushyingo 2020. Izajya itambutswa guhera ku wa Mbere kugeza ku wa Gatanu guhera saa Mbili n’igice ugendeye ku isaha ngengamasaha ya GMT arizo saa Yine n’igice zo mu Rwanda.

Filime yitwa ‘L’Amour illimité’ igiye gutangira kunyuzwa kuri Star Times

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .