StarTimes igiye gutanga ubunani ku bakunda filime

Yanditswe na Uwiduhaye Theos
Kuya 3 Ukuboza 2020 saa 02:30
Yasuwe :
0 0

Iminsi mikuru iregereje! Aho buri wese yifuza kuryoherwa n’impera z’umwaka ndetse akawusozanya ibyishimo n’ubwo washaririye bamwe kubera icyorezo cya Coronavirus.

Bamwe batangiye guhihibikana bashaka icyo bazifashisha bashimisha imiryango cyane ko hafi y’abantu bose mu bihe nk’ibi bafata akaruhuko gato bakagirana ibihe byiza n’imiryango yabo.

Sosiyete y’Ikoranabuhanga, StarTimes, yatekereje gufata neza abafatabuguzi bayo muri izi mpera z’umwaka wa 2020 aho abantu baba bashaka kuwurangiza bari kumwe n’imiryango ndetse bakanareba filime.

StarTimes yateguriye abantu b’ingeri zose filime zitandukanye mpuzamahanga zizatuma baryoherwa no kuguma imbere ya televiziyo zabo.

Umukozi ushinzwe Itumanaho n’Iyamamazabikorwa muri StarTimes, Terimbere Vlady, yavuze ko mu Ukuboza abafatabuguzi ba StarTimes bahishiwe.

Ati “Uyu mwaka ntekereza ko abantu barebye cyane televiziyo ndetse na filime nyinshi. Ariko, mu Ukuboza tugiye gutuma bibagirwa ibyo byose barebye. Binyuze muri filime z’umuryango, iz’imirwano, urwenya n’izindi z’ubwoko bwose. Nta munsi n’umwe umufatabuguzi wa StarTimes azigera agira irungu cyangwa ngo ntaryoherwe na filime nziza tubagezaho. Ni igihe cyo gutekereza neza ndetse ukagirana ibihe byihariye n’umuryango wawe.”

Ku wa 4 Ukuboza 2020 kuri ST Movies Plus, hazacaho filime yitwa The Chronicles of Riddick ndetse no ku wa 11 Ukuboza haceho iyitwa The Chronicles of Riddick: Dark Fury. Ku wa 18 hazerekanwa iyitwa Van Helsing mu gihe ku wa 25 Ukuboza hazacaho iyitwa Van Helsing: The London Assignment.

Mu gihe kuri shene ya TNT Africa hateganyijwe gucaho filime zitandukanye z’uruhererekane muri uku kwezi kose.

By’umwihariko kuri iyi shene guhera ku wa 24 Ugushyingo kugeza ku wa hazaho gufasha abantu kwizihiza icyumweru cya Noheli aho hazagenda hatambutswa filime zitandukanye zinyura abato n’abakuru.

Bazatangira berekana filime z’abana nka Wall-E na Shrek ku wa 24 mu gihe kuri Noheli hazerekanwa igaragaramo Terrence Howard yamamaye cyane yitwa The Best Man, The Croods, Spy Kids, Race to Witch Mountain itambutwe ku wa 29 Ukuboza mu gihe Willow izanyuraho ku wa 30.

Ku wa 31 Ukuboza TNT Africa yateguriye abantu filime zikurikirana esheshatu buri munsi guhera nyuma ya saa sita kugeza nijoro. Ku wa 16 Ukuboza TNT Africa izerekana filime zirimo Bring it on, The A Team and Backdraft mu rwego rwo kwerekana ko umutwe nta nama nzima wakwigira uretse iyo gusara.

TNT kandi yadabagije abakunzi ba Ridley Scott aho izatambutsa filime ze zitandukanye zakunzwe. Uyu ni uyobora filime w’i Hollywood ufite izina rikomeye muri sinema.

Shene ya AMC Movies nayo irateganya gufata neza abayikurikira muri ibi bihe. Izerekana filime yitwa he Beast Within igaragaramo umusore ufite ubumuga bwo kutabona ufite inzozi zihambaye z’ahazaza heza. Kuri Noheli hazacaho iyitwa Made in Heaven.

Binyuze mu cyiswe “Recharge and get upgraded” StarTimes igiye kujya iha inyongera umuntu waguze ifatabuguzi.

StarTimes yashyize igorora abafatabuguzi bayo binyuze mu kubereka filime ndetse no kubaha inyongezo mu gihe baguze ifatabuguzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .