Sean Connery wamenyekanye muri filime za James Bond yitabye Imana

Yanditswe na Ishimwe Deborah
Kuya 31 Ukwakira 2020 saa 05:11
Yasuwe :
0 0

Umukinnyi w’icyamamare muri filime Sean Connery, wakinnye muri James Bond yitabye Imana ku myaka 90.

Connery yaguye muri Bahamas mu ijoro rishyira kuri uyu wa Gatandatu nyuma y’iminsi atameze neza nk’uko umuryango we wabitangaje.

Uyu mukinnyi ukomoka muri Ecosse, yamenyekanye muri filime za James Bond zizwiho kugaragaramo ubutasi bukomeye, aho yari umukinankuru mukuru.

Mu myaka myinshi yamaze mu mwuga wo gukina filime, uyu musaza yagiye atsindira ibihembo birimo icya Oscar yahawe mu 1988 ubwo yatorwaga nk’umukinnyi ukunzwe cyane bitewe n’umwanya yakinnyeho muri filime yiswe The Untouchables.

Izindi filime Connery yakinnyemo harimo nka The Hunt for Red October, Indiana Jones, the Last Crusade na The Rock.

Abategura filime za James Bond, Michael G Wilson na Barbara Broccoli batangaje ko bababajwe n’urupfu rwa Connery.

Bavuze ko yahinduye ibijyanye na sinema ku Isi binyuze mu myitwarire ye mu gukina filime yagaragariraga mu butasi budasanzwe. Bavuze ko uruhare rwe mu gutuma filime za James Bond zikundwa rutazibagirana.

Connery yagaragaye muri filime za Bond guhera mu 1962 nka Dr No (1962), From Russia with Love (1963), Goldfinger (1964), Thunderball (1965), You Only Live Twice (1967), Diamonds are Forever (1971) na Never Say Never Again (1983).

Sean Connery yakinnye muri filime nyinshi zakunzwe guhera mu 1962
Uyu mugabo yakunzwe muri filime nyinshi
Hari henshi yagiye agaragara nk'umukinnyi ukunda abagore ariko yibitseho ubuhanga buhanitse mu butasi
Abategura filime za James Bond bagaragaje ko kubura Sean Connery ari igihombo gikomeye
Connery yaguye muri Bahamas nyuma y'iminsi yari amaze atemeze neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .