Rwanda Movie Awards yagejejwe ku rwego mpuzamahanga

Yanditswe na Uwiduhaye Theos
Kuya 14 Mutarama 2020 saa 06:38
Yasuwe :
0 0

Ibihembo byari bisanzwe bitangwa mu Rwanda ku bakora n’abakina filime bya Rwanda Movie Awards bigiye gutangwa ku nshuro ya munani byagejejwe ku rwego mpuzamahanga.

Ibi bihembo bitangwa mu rwego rwo kwagura impano no kumurika imirimo myiza ikorwa n’abari mu ruganda rwa filime.

Jackson Mucyo uyobora Ishusho Arts ari nayo itegura ibi bihembo yabwiye IGIHE ko by’umwihariko uyu mwaka bashyizemo ibyiciro byinshi ndetse ibi bihembo bikaba bigiye guhatana n’abatari abanyarwanda gusa.

Ati “Ubu tuzaba twatumiye ibihugu biri mu Karere ka Afurika y’Uburasirazuba bizitabira irushanwa bitari ukureba nk’uko bajyaga baza ahubwo nabo filime zabo zihatane.”

Uyu mwaka hazaba harimo ibihugu nk’u Rwanda, Tanzania, Kenya, Burundi, Repubulika Iharanira Demokarasi ya Congo [RDC] na Uganda.

Kwiyandikisha bisaba ko umuntu aba afite icyerekana ko filime ariye akuzuza inyandiko yateganyijwe kandi filime ikaba yarasohotse mu 2018 cyangwa mu 2019, ku zo mu Rwanda. Mu cyiciro cy’izo mu mahanga ho filime isabwa kuba yaragiye hanze mu 2019.

Uyu mwaka hateganyijwe ibikorwa bitandukanye birimo kwerekana filime nyarwanda mu mijyi itandukanye, gutwara abakinnyi ba filime hanze y’Umujyi wa Kigali bagahura n’abafana babo, gukora ibikorwa birimo imurikabikorwa kugira ngo ubwiza bwa filime zikorerwa mu Rwanda bwiyongere no kujyana abakora filime mu bikorwa bigamije kuzamura sosiyete nk’umuganda n’ibindi.

Igikorwa cya mbere cya Rwanda Movie Award cyabaye mu 2012. Kwiyandikisha uyu mwaka bizatangira ku wa 15 Mutarama 2020 birangire ku wa 15 Gashyantare. Igikorwa nyamukuru kizaba ku wa 7 Werurwe 2020.

Uko ibyiciro bihagaze muri Rwanda Movie Awards 2020
Rwanda Movie Awards yagejejwe ku rwego mpuzamahanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .