00:00:00 IGIHE NETWORK KN KINYARWANDA EN ENGLISH FR FRANCAIS

"Notre Dame Du Nil" yakiniwe i Musanze na Rutsiro, yatoranyijwe muri filime zerekanwa kuri TV5Monde Plus

Yanditswe na Mahoro Vainqueur
Kuya 18 Ukwakira 2022 saa 09:17
Yasuwe :

Filime “Notre Dame du Nil” [Our Lady Of The Nile] yakinywemo n’abakobwa b’Abanyarwandakazi, iri ku rutonde rwa filime z’Igifaransa ziri kwerekanwa ku rubuga rushya rwa sinema TV5Monde Plus.

Uru rubuga rwatangijwe na televiziyo y’Abafaransa ikorera i Paris, TV5Monde mu 2020 , rucaho filime zitandukanye ziri mu Gifaransa zikarebwa nta kiguzi.

TV5Monde yashyizeho uru rubuga mu rwego rwo kwagura umuryango w’abareba filime z’Igifaransa.

Iyi shene ya televiziyo isanzwe ifite abagera kuri miliyoni 60 bayikurikira buri cyumweru bari mu bihugu 211 hirya no hino ku Isi.

Zimwe muri filime zashyizwe kuri uru rubuga zirimo ‘Notre Dame Du Nil’ yashibutse ku gitabo cy’Umunyarwandakazi Mukasonga Scholastique cyasohotse mu 2012 kigaragaza itotezwa ryakorerwaga abakobwa b’abanyeshuri b’Abatutsi mbere ya Jenoside yakorewe Abatutsi mu 1994.

Uyu mwanditsi abara inkuru y’ibyabereye mu Kigo cy’amashuri yisumbuye cyitwaga Notre Dame du Nil cyari icy’abakobwa gusa.

Nyuma y’imyaka umunani iki gitabo gisohotse, ikigo gikora filime cyitwa Les Films du Tambour kiyobowe na Marie Legrand na Rani Massalha, bari kumwe n’umuhanga mu gutunganya filime Atiq Rahimi, baje mu Rwanda gukora filime ishingiye kuri iki gitabo.

Iyi filime yakiniwe mu Karere ka Musanze na Rutsiro ku Ishuri rya Murunda, igaragarano abakobwa b’Abanyarwandakazi bagera kuri 20 barimo Amanda Mugabekazi, Malaika Uwamahoro, Albina Sydney Kirenga, Rubango Belinda na Clariella Bizimana.

Atiq Rahimi wayikoze yavuze ko mbere y’ikorwa ryayo yabanje kuza mu Rwanda mu gihe cy’amezi atandatu ari gushaka abakinnyi ndetse no kumenya byimbitse amateka ya Jenoside yakorewe Abatutsi mu 1994.

Ku wa 14 Kanama 2019 iyi filime yatoranyijwe mu zizerekanwa mu iserukiramuco rikomeye rya Toronto International Film Festival muri Canada.

Iki gitabo cyashibutseho iyi filime cyahawe n’ibihembo mpuzamahanga bibiri ari byo Prix Renaudot na Prix Ahmadou Kourouma.

Ubu wayireba unyuze hano

Notre Dame du Nil yakiniwe mu Karere ka Musanze na Rutsiro ni imwe muri filime zakinnyemo Abanyarwandakazi
Filime Notre Dame du Nil yatoranyijwe mu zerekanwa kuri TV5Monde Plus
Atip Rahimi atoza abakobwa b'Abanyarwandakazi bakinnye muri iyi filime
Atiq Rahimi wayoboye iyi filime 'Notre Dame du Nil'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .