Ncuti Gatwa yatsinze mu bihembo bikomeye bitangirwa mu Bwongereza

Yanditswe na Uwiduhaye Theos
Kuya 18 Werurwe 2020 saa 10:04
Yasuwe :
0 0

Ncuti Gatwa, Umukinnyi wa filime w’Umunyarwanda uba mu Bwongereza, umaze kwamamara ku rwego mpuzamahanga muri uyu mwuga, yegukanye igihembo mu bihembo bya Royal Television Society [RTS].

Ibi bihembo bitangirwa mu Bwongereza. Abatsinze batangajwe kuri uyu wa Kabiri tariki 17 Werurwe 2020 kuri Grosvenor Hotel.

Ncuti wamamaye muri filimi yitwa Sex Education yari ahatanye mu cyiciro cy’uwigaragaje gukina urwenya muri filime, uyu musore yeretse igihandure abarimo Alex Murphy & Chris Walley bagaragaye muri The Young Offenders na Youssef Kerkour ukina muri Home.

Uretse ibi bihembo yari ahatanyemo, Ncuti Gatwa kandi ari no mu bagize akanama nkemurampaka ka Cannes International Series Festival, izaba iba ku nshuro ya gatatu, iteganyijwe ku wa 27 Werurwe kugeza ku wa 1 Mata 2020.

Mu 2019, Gatwa Ncuti yahatanye mu byiciro bibiri bya MTV Movie & Awards ariko ntiyabasha kwegukana igihembo na kimwe.

Mu mwaka ushize nabwo Ikinyamakuru gikomeye cya Elle cyari cyashyize Ncuti Gatwa ku rutonde rw’abanyempano 50 bari kugaragaza impinduka kurusha abandi [50 Game-changers].

Ncuti ni umusore w’imyaka 27 wamamaye kubera filime y’uruhererekane yitwa Sex Education yerekanwa na Netflix.

Uyu musore utari ufite ubunararibonye buhambaye yakunzwe na benshi aho akina yitwa Eric uba ari umutinganyi. Ncuti Gatwa wavukiye mu Rwanda n’umuryango we bimukiye muri Écosse mu gihe cya Jenoside yakorewe Abatutsi mu 1994 akaba yarize ibijyanye no gukina filime. Kuri ubu batuye mu Mujyi wa Londres mu Bwongereza.

Kanda hano urebe abegukanye ibihembo bose

Ncuti Gatwa akomatanya gukina filime no kumurika imideli

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .