00:00:00 IGIHE NETWORK KN KINYARWANDA EN ENGLISH FR FRANCAIS

Igice cya kabiri cya filime ‘Avatar’ cyinjije asaga miliyari 2$

Yanditswe na Mahoro Vainqueur
Kuya 23 Mutarama 2023 saa 11:06
Yasuwe :

Mu cyumweru gishize, igice cya kabiri cya filime ‘Avatar’ cyiswe ‘Avatar: The Way of Water’ cyayobowe na James Cameroon cyinjije asaga miliyari 2$.

“Avatar: The Way of Water” yashowemo miliyoni 250 $ ibaye filime ya gatandatu igeze kuri aka gahigo ikaba iya gatatu ya James Cameroon igeze kuri uru rwego nyuma ya ‘Titanic’ na ‘Avatar’ ya mbere.

Aka gahigo iyi filime yesheje muri iyi weekend , byatumye iza ku mwanya wa gatandutu muri filime zimaze kwinjiza agatubutse ku Isi.

Ni umwanya ije isangaho izindi filime zirimo Avatar yo mu 2009, Avengers: Endgame yo mu 2019 na Titanic yo mu 1997, Star Wars: Episode VII - The Force Awakens yo mu 2015, Avengers: Infinity War yasohotse mu 2018.

Ibi bivuze ko James Cameroon ari we muyobozi wa filime wenyine ufite filime eshatu muri esheshatu za mbere zacuruje cyane ku Isi zikageza muri miliyari ebyiri z’amadorali y’Amerika.

Bivugwa ko iyi filime ya Avatar izakorwamo ikindi gice cya gatatu nubwo hataratangazwa igihe kizasohokera.

Avatar: The Way of Water’ mu byumweru bitandatu imaze isohotse yakomeje kwiharira umwanya wa mbere muri filime zinjiza amafaranga menshi muri buri weekend.

Iki gice cya kabiri cya ‘Avatar’ kigaruka ku nkuru ya Jake Sully na Ney’tiri nyuma yo kwihuza mu gice cya mbere bubaka umuryango uhamye bagakora ibishoboka byose kugira ngo barinde uyu muryango wabo.

Gusa nk’uko byagenze mu gice cya mbere uyu muryango uba wibera kuri Pandora uterwa n’ikiremwa muntu, Jake Sully akisanga mu rugamba rwo kurwana intambara itoroshye yo kurwanya abantu batatse umubumbe wabo
.

Inshamake za ‘Avatar: The Way of Water’

Iyi filime yamaze kwinjiza miliyari ebyiri z'amadolari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .