Hari gukorwa filime igaragaza ubuzima butoroshye abafite ubumuga banyuramo

Yanditswe na Uwiduhaye Theos
Kuya 31 Ukuboza 2020 saa 07:27
Yasuwe :
0 0

Sosiyete yitwa World Star Entertainment iri gukora filime igaragaza ubuzima butandukanye abantu banyuramo ariko izibanda ku buzima bamwe mu bafite ubumuga bakunze kunyuramo burimo guhezwa, guhabwa akato n’ibindi.

Imfura Sano Kennedy ukuriye iyi sosiyete akaba ari na we wanditse Filime yise ’Nyiramirindi’ yavuze ko bayitekereje kubera ko babonye ko abakora filime mu Rwanda hari ubuzima bumwe birengagiza.

Yagize ati “Ni filime y’uruhererekane igiye kugaragaza ubuzima bw’abantu bafite ubumuga. Ubuzima bacamo aho batuye, uko urushako rwabo ruba rumeze. Abana babyara uko baba babayeho. Iyi filime izaba inubakiye ku rukundo rurimo ubuhemu ndetse no ku buzima bwa kera.”

Yakomeje ati “Twatekereje iyi filime bitewe n’ubuzima nanyuzemo. Numvaga ko nkwiye kubusangiza abandi. Ikindi twari turi kubona, ni uko filime zihari hari ibyo zibura.”

Imfura Sano Kennedy yavuze ko yatekereje guhuriza hamwe urubyiruko kugira ngo azane amaraso mashya muri sinema cyane ko usanga muri uru ruganda hahoramo amazina amwe yisubiramo.

Igice cya mbere cya Filime ’Nyiramirindi’ kizajya hanze mu ntangiriro z’umwaka utaha.

Reba agace gato ka Filime ’Nyiramirindi’

Iyi filime igaragaza ubuzima bw'abafite ubumuga
Ikinamo abiganjemo urubyiruko
Ivuga no ku buzima bwo mu cyaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .