00:00:00 IGIHE NETWORK KN KINYARWANDA EN ENGLISH FR FRANCAIS

Filime 10 wareba muri iyi weekend

Yanditswe na Léana Bisa
Kuya 4 June 2022 saa 11:40
Yasuwe :

Niba umeze nkanjye, ufite ahantu henshi urebera filime ariko buri gihe ukaba wibaza ‘ndareba iki?’ kuko ahantu hose haba haje filime nshya rimwe na rimwe umuntu ntazibone kuko atamenye ko ziriho.

Nubwo haba hari amahitamo menshi hari igihe ushaka iyo kureba ukayibura akenshi kuko utaba ubona izo wakwishimira kureba, uru rutonde rwagufasha kubona filime nziza wareba muri iyi weekend.

Deep water

Deep water yasohotse uyu mwaka, yerekana umugabo Vic n’umugore we Melinda bashakanye ariko batagikundana buri wese aca inyuma undi babyumvikanyeho.

Bigenda neza kugera igihe abakunzi ba Melinda batangiye kugenda babura abantu bose bagakeka ko ari Vic uba wabishe.

The weekend away

The weekend away ni filimi yasohotse uyu mwaka, yerekana abakobwa babiri b’inshuti magara bagiye kuruhukira muri Croatia byose bikagenda neza ariko bikarangira umwe aburiwe irengero.

Death of the Nile

Death of the Nile ni filimi yasohotse uyu mwaka, ikinwamo Gad Gadot uzwi nka Wonder Woman, muri iyi filime abageni batumira umugabo mu gace bagiye kuruhukiramo mu gace ka Nile.

Scream

Scream ni filime yasohotse uyu mwaka ikurikirana ubwicanyi buri kubera mu gace ka Woodsboro, California, ubwo bwicanyi bwibasira abangavu bigatuma benshi bibaza niba ntakibyihishe inyuma.

All the old knives

Iyi filimi yasohotse uyu mwaka, yerekana umugabo ukorera CIA uri gushaka kumenya maneko uri hagati muri CIA watanze amakuru yatumye abakozi 100 ba CIA bicwa.

Memory

Filimi yitwa Memory yasohotse uyu mwaka irimo umusore witwa Alex, umwicanyi w’inzobere wanze gukora akazi yahawe n’umutwe w’abagizi ba nabi, bashaka kumwica. Muri icyo gihe aba ari no gukurikiranwa na FBI ariko kuko ari inzobere akabasha kubaca mu myanaya y’intoki.

Ikibazo kimwe afite ni icyo kwibagirwa bigatuma atamenya uwo kwizera.

The Twin

Iyi filime yasohotse muri uyu mwaka, yerekana umuryango wimuka ukajya gutura mu kandi gace nyuma yo gutakaza umwana wabo w’impanga ariko ibyo babonera muri ako gace ni amayobera.

Intrigo death of an Author

Iyi filime nubwo yasohotse muri 2020 ariko iteye amatsiko cyane, iyi filime ivuga ku mugabo wishe umugore we nyuma y’imyaka itatu akaza kubona ko akiri muzima.

Escape room

Escape room ni filimi yasohotse muri 2019, ni filime yerekana abantu batandatu bataziranye bisanga bari mu byumba bagomba gushaka uburyo bwo gusohokamo bakoresheje ubwenge n’ayandi mayeri kugira ngo badapfiramo.

Escape room tournament of champions

Escape room tournament of champions, yasohotse muri 2021 ni agace ka kabiri ka Escape room ubwo abashoboye kurangiza umukino bakiri bazima bongera kwisanga mu wundi mukino bakongera bakagerageza kumenya abihishe inyuma y’uwo mukino.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .